Qazirgi ýaqytta jalpy aýdany 160 myńnan astam sharshy metr (2786 páter) bolatyn atalǵan turǵyn úı keshenderiniń qurylysyna 500-ge jýyq adam tartylǵan, jumys iri paneldi úı qurylysy salasyndaǵy aldyńǵy qatarly ázirlemelerdi qoldana otyryp, eki aýysymda júrgizilip jatyr.
Úkimet basshysy barlyq qurylys jumystaryn sapaly oryndap, nysandardy josparlanǵan merzimde paıdalanýǵa berýdi tapsyrdy.
«Úkimettiń qazirgi tańdaǵy asa mańyzdy mindeti – qurylys qarqynyn arttyryp, áreket etip turǵan jumys oryndaryn saqtaý jáne jańa jumys oryndaryn qurý, halyqty turǵyn úımen qamtamasyz etý», — dedi A. Mamın.
2020 jyly elordada shamamen 3 mln sharshy metr turǵyn úı, al jalpy elimizde 15 mln sharshy metr nemese 150 myń turǵyn úı salynady. Qazaqstan Respýblıkasynda halyqtyń áleýmettik áljýaz toptarynan, az qamtamasyz etilgen otbasylar men jastardan, bıýdjettik uıymdardyń qyzmetkerlerinen turatyn 32 myńnan astam otbasy jaldamaly jáne nesıelik páterlermen qamtamasyz etiledi.
Inspeksııalyq tekserýge Premer-Mınıstrdiń orynbasary R. Sklıar, Nur-Sultan q. ákimi A. Kólginov, ındýstrııa jáne ınfraqurylymdyq damý birinshi vıse-mınıstri Q. О́skenbaev jáne t. b. qatysty.
