Amerıkada sáýir aıynda oryn alǵan Bostondyq marafony kezindegi teraktisine qatysy bar dep tanylyp otyrǵan qazaq stýdentteri Dıas Qadyrbaev pen Azamat Tájaıaqovtiń isi boıynsha kelesi sot otyrysy 26 qyrkúıekten 29 qazanǵa keıin qaldyryldy. Bul týraly ITAR-TASS habarlady.
«Prosesti sozý arqyly prokýratýra stýdentterdiń isin basty kúdikti Djohar Sarnaevtyń isimen baılanystyryp, olardy terrorızm baby boıynsha jaýapqa tartpaqshy», – dedi ITAR-TASS tilshisine bergen málimetinde Azamat Tájaıaqovtyń ákesi.
Juma kúni Boston qalalyq sotynda qandastarymyzǵa derekterdi joıýǵa tyrysyp, terakt boıynsha tergeý jumystaryna kedergi keltirdi, degen aıyp taǵylǵan edi. Qazannyń sońynda Qadyrbaev pen Tájaıaqovtyń bir adamdyq jeke kameralarda otyrǵandaryna jarty jyl bolady. Onyń ústine olarǵa kúndelikti serýenge de quqyq berilmegen eken.
Aıdar О́risbaev.
