Satyp alýshylar men satýshylardyń qaýipsizdigin qamtamasyz etý maqsatynda kásipkerlik basqarmasy tıisti sala ókilderimen birlese otyryp, túsindirme, baqylaý jumystaryn júrgizip keledi.
Qazirgi tańda sýpermarket, dúkenderde kúnine birneshe retten dezınfeksııalyq tazalaý jumystary júrgizilip, sanıtarlyq quraldar ornatylǵan. Kelýshilerge betperde talap etilip, nysanǵa kirmes buryn temperatýrasy ólshenip, antıseptık quraldaryn paıdalaný talap etiledi.
Al adamdar kóp shoǵyrlanýy múmkin azyq-túlik bazarlaryna kelýshilerdiń temperatýrasyn ólshep, arnaıy eritindilerdi sebetin medısınalyq ótkelder ornatylǵan jáne bazar ishi kúnine eki ret dezınfeksııalanady.
Sondaı-aq, tutynýshy men satýshy arasynda baılanys bolmas úshin barlyq saýda nysandarynda tólemderdi onlaın tólem, kartochkalyq qabyldaý qyzmetteri usynylady.
Shymkent
