Qoǵam • 25 Sáýir, 2020

Ǵylym komıtetine jańa kadr keldi

442 retkórsetildi

Bul týraly Bilim jáne ǵylym vıse-mınıstri Mıras Dáýlenov óziniń áleýmettik jelidegi resmı paraqshasynda jazdy. 

Ǵylym komıteti tóraǵasynyń orynbasary bolyp Keńesov Bolat Nurlanuly taǵaıyndaldy. Osyǵan deıin ol Ál-Farabı atyndaǵy QazUÝ Fızıka-hımııalyq taldaý jáne zertteý ortalyǵynyń dırektory qazmetin atqardy.

Komıtet tóraǵasynyń jańa orynbasary – Qazaq ulttyq ýnıversıtetiniń túlegi. Bolat Nurlanuly 2007 jyly kandıdattyq dıssertasııasyn qorǵady, oǵan 2012 jyly qaýymdastyrylǵan professor (dosent), al 2017 jyly professor ǵylymı ataǵy berildi. Wageningen University (Nıderland), Iowa State University (AQSh), University of Barcelona (Ispanııa) jáne Gdansk University of Technology (Polsha) syndy sheteldik joǵary oqý oryndarynda taǵylymdamadan ótken.

Bolat Keńesov – 100-den asa ǵylymı jumystyń avtory, sonyń ishinde bedeldi halyqaralyq ǵylymı jýrnaldarda 26 maqalasy jaryq kórgen. Olardyń 13-i birinshi kvartıl qataryndaǵy bedeldi basylymdarda jarııalanǵan. Hırsh ındeksi boıynsha kórsetkishteri – 11 (Web of Science) jáne 13 (Scopus).

Bolat Nurlanulynyń jetekshiligimen 1 kandıdattyq jáne 5 Ph.D dıssertasııalary qorǵaldy. Ol – Qazaqstan Respýblıkasynyń Tuńǵysh Prezıdenti – Elbasy Qory syılyǵynyń laýreaty (2014 j.),  Bilim jáne ǵylym mınıstrligi janyndaǵy Jas ǵalymdar keńesiniń (JǴK) beldi múshesi.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar