«Dala kúnin» ótkizgen dıqandarǵa soǵys ardageri Iаhııa Tasyrov bata berdi. Jasy 100-ge taıaǵan aqsaqal eginniń bitik shyǵyp, kúzde qyrmannyń astyqqa tolýyn tiledi.
Bıyl oblysta 183,1 myń gektar alqapqa egin egiledi. Onyń teń jartysy kúrish. Al basqa dándi daqyldar 9,8 myń, maıly daqyldar 6 myń, mal azyqtyq daqyldar 61,6 myń, kartop, kókónis, baqsha daqyldary 17,7 myń gektarǵa ornalastyrylady.
Kóktemgi dala jumystarynyń ýaqytyly bastalyp, sapaly júrgizilýi úshin qajetti sharalar qabyldanǵan. Oblys dıkandary mıneraldy tyńaıtqysh jáne tuqymmen qamtamasyz etilýde. 14 myń tonna arzandatylǵan dızel otyny jetkizildi. Baǵasy - lıtrine 162 teńge.
Sońǵy jyldary óńirge 26 mlrd teńgeniń 1070 aýyl sharýashylyǵy tehnıkasy alyndy. Bul - egis alqabynda júrgen árbir tórtinshi kombaın, traktor nemese tuqym sepkish. Qojalyqtardyń kólik parkinde «John Deere», «Claas», «Rostselmash» jáne ózge de tanymal markaly tehnıka bar.
