Aımaqtar • 26 Sáýir, 2020

«Aýyl – el besigi»: Nysandar men ınfraqurylym úshin 1,5 mlrd teńge bólindi

35 retkórsetildi

«Aýyl – el besigi» jobasy aıasynda 5 áleýmettik nysan qurylsyna jáne aýyldardyń ınjenerlik ınfraqurylymyn júrgizýge 1,5 mlrd teńge bólindi. Bul týraly qoǵamdyq kommýnıkasııa ortalyǵynda ótken brıfıngte Mańǵystaý oblysynyń ekonomıka jáne bıýdjettik josparlaý basqarmasynyń basshysy Álibekova Marına málim etti.

«Aýyl – El besigi» jobasynyń maqsaty – aýyldaǵy ómir sapasyn jaqsartý, aýyldyq jerdegi ınfraqurylymdy jańalaý, olardy Aımaqtyq standarttar júıesiniń parametrlerine jetkizý.

Ekonomıka mınıstrligi aýyldardy osy jobaǵa qosý úshin halyq sanynyń ósý dınamıkasy, halyqtyń jumyspen qamtýdyń ósý dınamıkasy, iri eldi mekenderge alys-jaqyndyǵy, mal jáne egin sharýashylyǵy kórsetkishteriniń ósý dınamıkasy, TOP týrıstik aımaqtar jaqyndyǵy, el qaýipsizdigi úshin strategııalyq mańyzy boıynsha kórsetkishter syndy parametrlerdi anyqtady. Jalpy alǵanda, damý úshin potensıaly bar jáne halyq sany kóp 28 perspektıvaly aýyldyq eldi meken jobaǵa engizildi.

Joba, aýdan ortalyǵy bolyp tabylatyn 3 aýylda 2019 jyly iske asyrylyp bastady. Olar – Mańǵystaý, Beıneý jáne Shetpe aýyldary (QR boıynsha – 53 aýyl, 30 mlrd teńge).

2019 jyly 24 jobany iske asyrýǵa 1,4 mlrd teńge bólinip, ıgerildi (respýblıkalyq bıýdjet – 1 204,6 mln teńge, jergilikti – 173,7 mln teńge).

Shetpe aýylyndaǵy Bereket Jumalıev atyndaǵy orta mektep ǵımaratyn jáne 300 oryndyq Mádenıet úıin jáne Mańǵystaý aýylyndaǵy jastar resýrstyq ortalyǵyn aǵymdaǵy jóndeý jáne ortalyq kitaphana qurylysy syndy 4 áleýmettik ınfraqurylym obektisi jáne Mańǵystaý aýylyndaǵy 4 ýchaskeniń kóshelerine jaryq tartý jáne Beıneý aýylynyń kóshelerine gaz qubyryn salý jumystary sekildi 7 turǵyn úı-kommýnaldyq sharýashylyq obektisi jóndeldi. 3 aýyldaǵy kólik ınfraqurylymynyń jalpy uzyndyǵy 38,2 kılometr bolatyn 13 obektisi.

Barlyq obektiler merziminde aıaqtaldy.

2020 jylǵa arnalǵan bıýdjette «Aýyl – El besigi» jobasy aıasynda basynda 1,6 mlrd teńge qaralǵan bolatyn (respýblıkalyq bıýdjet – 1 387,4 mln teńge, jergilikti bıýdjet -215,6 mln teńge). Sáýir aıynda qosymsha 2,5 mlrd teńge bólindi. Nátıjesinde, bıylǵa arnalǵan jalpy kólem 4,1 mlrd teńgeni, onyń ishinde respýblıkalyq bıýdjet somasy 3,8 mlrd teńgeni qurady.

7 aýyl boıynsha (Beıneý, Aqshuqyr, Qyzyltóbe, Baıandy, Basqudyq, Rahat, Shetpe aýyldary) 33 jobaǵa, sonyń ishinde:

- 5 áleýmettik obekti qurylysyna jáne aýyldardyń ınjenerlik ınfraqurylymyn júrgizýge – 1,5 mlrd teńge;

- aýylishilik joldardy salýǵa jáne ortasha jóndeýge – 2,6 mlrd teńge bólinedi.

 

 

Mańǵystaý oblysy

Sońǵy jańalyqtar

Qapshaǵaı qalasynyń ákimi aýysty

Aımaqtar • Búgin, 17:20

Jigittiń jaqsysy

Rýhanııat • Búgin, 16:21

Qylmystyq top qarajatty ofshorǵa aýdarǵan

Ekonomıka • Búgin, 15:50

Erık Kantona kósh bastap tur

Aımaqtar • Búgin, 15:16

Almatyda HQO-lar jumysyn qaıta bastady

Aımaqtar • Búgin, 13:00

Uqsas jańalyqtar