Koronavırýs • 26 Sáýir, 2020

Jeksenbi: Almatyda 28 adam indet juqtyrdy

44 retkórsetildi

Almatyda COVID-19 vırýsyn juqtyrýdyń jańadan 28 jaǵdaıy tirkeldi. Naýqastanǵandardyń barlyǵy vırýs juqtyrǵandarmen baılanysta bolǵandar. Túgeli derlik karantınde provızorlyq gospıtaldarda emdelip jatqan adamdar.

Búgingi kúni koronavırýstyq ınfeksııadan saýyǵyp, taǵy 6 adam emdeýden shyǵaryldy. Onyń ishinde eki er adam jáne tórt áıel kisi bar. Medısına qyzmetkerleri arasynan bir er adam jáne úsh áıel bar. Besinshi pasıent Ystambuldan ushyp kelgen, altynshy adam Mınskiden ushyp kelgen. Buǵan deıin shetelden kelgen pasıent provızorlyq stasıonarda bolǵan.

Úsh pasıenttiń polısegmentarly eki jaqty pnevmonııasynyń bolýyna baılanysty jaǵdaıy ortasha, qalǵandarynyń jaǵdaıy indetti sımptomsyz tasymaldaýshy retinde baǵalandy.

Búgingi tańda megapolıste emdelip jazylǵandardyń sany 96 adam.

Juqpaly aýrýlar stasıonarlarynda koronavırýstyq ınfeksııadan emdeýde Almaty oblysynan qosylǵan pasıentti esepke alǵanda 739 adam bar.

Jalpy naýqastanǵandardyń jaı-kúılerine keler bolsaq, bir adamda – asa aýyr, 33 adamda – aýyr, 195 adamda – ortasha aýyrlyq dárejesinde, qalǵandarynyń jaǵdaıy qanaǵattanarlyq.

Dál búgingi kúnge deıin Almatyda koronavırýstyq ınfeksııa juqtyrýdyń rastalǵan 842 jaǵdaıy tirkelip otyr.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar