Abzal Shymkentbaıulynyń baıandaýynsha, aýdan aýmaǵynda qaýipti indettiń aldyn alý úshin 8 blok-beket ornatylǵan. Blok-beketterdiń jumysy qatań baqylaýda. Jalpy aýdanda karantınde - 49 adam, sondaı-aq 19 oryn oqshaýlanǵan. Barlyq oqshaýlanǵan oryndarda dezınfeksııalaý jumystary turaqty túrde júrgizilýde.
- Aýdandaǵy 24 eldimekende 250 myńǵa jýyq turǵyn bar. Barlyq eldimekender men kópqabatty turǵyn úılerde zalalsyzdandyrý jumystary atqarylýda. Oǵan 40 áskerı qyzmetker men arnaıy 10 tehnıka jumyldyrylǵan. Aýdanda úlken bazarlar ornalaspaǵan, alaıda shaǵyn eldimekendegi bazarlar tolyǵymen jabyldy. Azyq-túlik baǵasyn turaqtandyrý boıynsha qurylǵan mobıldi toppen kúndelikti reıd júrgizilýde. Bizdiń aýdanda 4 sýpermarket, 16 kishi shaǵyn market jáne 500-ge jýyq dúken ornalasqan. Barlyq saýda oryndaryna eskertý qaǵazy taratyldy. "Biz birgemiz" aksııasy boıynsha shalǵaı jatqan eldi mekenderdegi turǵyndarǵa 50 myńǵa jýyq betperde taratylsa, 6 100 muqtaj otbasy azyq-túlik kómegin aldy. Qazirgi tańda, qosymsha tizim jasaqtaldy, ol tıisti oryndarǵa joldanatyn bolady, - dedi Qarataý aýdanynyń ákimi.
Sondaı-aq, brıfıngte aýdan ákimi turǵyndardyń qajetti azyq-túlikpen qamtamasyz etilip jatqanyn da atap ótti.
– «Magným» jelisi arqyly kómek alatyn azamattar sany – 4 055. Degenmen, aýdanda «Magným» jelisi ornalaspaǵandyqtan Ál-Farabı aýdanyna baryp kómek alatyn. Qazir ol sheshimin tapty, shalǵaı jatqan eldimekenderge ózimiz aparyp, taratý jumystaryn atqarýdamyz, - dedi aýdan ákimi Abzal Áliqulov.
Shymkent
