«Nur Otan» partııasynyń Shyǵys Qazaqstan oblystyq fılıaly óńir turǵyndarynyń suraqtaryna jaýap berý úshin tikeleı efır uıymdastyrdy. Partııa fılıalynyń feısbýk jáne ınstagramm áleýmettik jelilerindegi resmı paraqshalarynda elimizdegi tótenshe jaǵdaıǵa baılanysty azamattarǵa memleket jáne oblys ákimdigi tarapynan kórsetilip jatqan kómekter men partııanyń «Biz birgemiz!» aksııasy týraly aqparat berildi.
Tikeleı efırdi 200-den astam adam kórip, turǵyndar tarapynan 100 astam suraq kelip tústi. Turǵyndardyń ótinishteri nazarǵa alynyp, basym kópshiligine naqty jaýap berildi. Ásirese, 42 500 teńgeni alý, áleýmettik kómekterge qatysty suraqtar kóp boldy. Sonymen qatar «Birgemiz» qoǵamdyq qorynan beriletin 50 myń teńge kólemindegi bir jolǵy materıaldyq kómekke baılanysty suraqtar da kóptep qoıyldy.
Tikeleı efır barysynda «Nur Otan» partııasy Shyǵys Qazaqstan oblystyq fılıaly tóraǵasynyń birinshi orynbasary Oleg Chýgýnkov qoıylǵan ár saýalǵa naqty jaýap berip, keıbir mańyzdy suraqtardy óziniń jeke baqylaýyna aldy.
Suraqtardyń basym bóligi memleket tarapynan beriletin álýemettik kómekter, 42500 járdemaqysy jáne 15000 kommýnaldyq tólem aqy, «Biz birgemiz!» aksııasy aıasyndaǵy azyq-túlik jáne 50 myń teńge materıaldyq kómekter týraly boldy.
Jalpy «Nur Otan» partııasynyń «Biz birgemiz!» aksııasy Shyǵys Qazaqstan oblysy boıynsha 2115 otbasyna azyq-túlik jetkizgen. Bul rette óńirdiń kásipkerleri men máslıhat depýtattary, erikti jastar, aýdan ákimdikteri, «jasotandyqtar» jáne partııa ókilderi aıryqsha belsendilik tanyty.
Elbasy, «Nur Otan» partııasynyń tóraǵasy Nursultan Nazarbaevtyń bastamasymen qurylǵan «Birgemiz» qoǵamdyq qory arqyly Shyǵys Qazaqstan oblysynyń О́skemen jáne Semeı qalalarynyń 12419 turǵyny 50 myń teńgeden materıaldyq kómek aldy.
«Elimizdegi tótenshe jaǵdaıǵa baılanysty partııanyń oblystyq fılıaly turǵyndardyń aryz shaǵymdaryn onlaın qabyldaýda. 16 naýryzdan 24 sáýir aralyǵynda oblystyq fılıaldyń qoǵamdyq qabyldaý bólimine 1104 ótinish tússe, 905 ótinish oń sheshimin tapty. Qalǵan 100-den astam ótinishter boıynsha keńester berildi. Aldaǵy ýaqytta da azamattardyń suraqtaryna jaýap berý maqsatynda áleýmettik jelilerde tikeleı efır uıymdastyrylatyn bolady. Tikeleı efır kezinde Elena Arsen esimdi jeli qoldanýshysy óziniń «Birgemiz» qoǵamdyq qorynan 50 myń teńge kómek alǵandyǵyn aıtyp, alǵysyn bildirdi» deıdi fılıaldyń baspasóz hatshysy Táttimbek Ashan.
О́SKEMEN
