Aımaqtar • 27 Sáýir, 2020

Qabyldanbaǵan ótinimder qaıta qaralady

20 retkórsetildi

Qaraǵandy oblysy ákiminiń orynbasary Abzal Núkenov oblys turǵyndary úshin 42500 teńge kólemindegi áleýmettik tólemniń tóńiregindegi keıbir túsiniksiz jaıttarǵa qatysty suraqtarǵa egjeı-tegjeıli jaýap berdi.

– Tótenshe jaǵdaı kezinde tabysy­nan aıyrylǵan mindetti áleýmettik medı­sınalyq saqtandyrý júıesiniń qatysý­shylaryna 42 500 teńge kóleminde tólem­der taǵaıyndaý búginde eń ózekti másele­niń biri bolyp otyr. Kóptegen suraq aldymyzdan shyǵyp jatyr. Sáýirdiń 24-ine deıingi málimetterge saı Qara­ǵandy oblysy turǵyndarynan 475 587 ótinish kelip túsken. Bul az emes. Aıta ketetin jaıt, ótinishterdiń ishinde 202 842 qujat túrli sebepterge baılanysty qabyldanbady. Al 244 541 turǵynǵa tólem taǵaıyndaldy, – dedi Abzal Nú­kenov.

Jalpy, áleýmettik tólemder alty sanat boıynsha taǵaıyndalyp jatyr. Biraq memlekettik qyzmetshiler bul tizimge enbegen. Osy rette oblys ákiminiń orynba­sary kómektiń tek tótenshe jaǵdaı rejimine baılanysty jumysynan aıy­rylǵan jáne tabysynan qaǵylǵan aza­mattarǵa ǵana kórsetiletinin atap ótti.

Brıfıngte Abzal Núkenov ótinishteri qabyldanbaǵandarǵa, ıaǵnı 42500 teńge tólemge qol jetkize alma­ǵan­darǵa mynadaı málimdeme jasady.

– Keıbireýler óziniń ótinimi negizsiz qa­byldanbady dep sanaıdy. Bireýlerdiń óti­nishi eki jerde jumys istegenine baı­lanys­ty qabyldanǵan joq. Barlyq týyn­daǵan másele boıynsha taldaý júr­gizip, zerttep jatyrmyz. Kún saıyn Eńbek jáne halyqty áleýmettik qorǵaý mınıstrligimen habarlasyp, keńesip otyrmyz. Elimizdiń vıse-premeri Era­ly Toǵjanov barlyq qabyl­danbaǵan óti­nim­der boıynsha qaıta tek­serý júrgizý kerek­tigin tapsyrdy. Iаǵnı negizsiz taǵa­ıyn­dalmaǵan tólemder bo­ıynsha tıisti she­shim qabyldanatyn bolady. Bul baǵytta jumystar júrgizilýde, – dedi Abzal Núkenov.

Brıfıngtiń sońyna taman oblys áki­miniń orynbasary qatelikpen taǵaıyn­dalyp ketken áleýmettik tólemdi óz erik­terimen qaıtaryp bergen azamat­tarǵa alǵys sezimin jetkizdi.

– Bul – azamattyq jaýapkershilik. Adam­­­dar­dyń osy qarajattyń basqa bireý­­lerge ál­deqaıda qajet ekenin túsin­gen azamat­tyq­taryna dán rıza bolasyń, – dep atap ótti ol.

Áleýmettik tólem máseleleri bo­ıyn­sha óńirdiń jumyspen qamtýdy úıles­tirý jáne áleýmettik baǵdarlamalar bó­limderine telefon arqyly nemese elektrondy posh­ta arqyly habarlasýǵa boldy.

 

QARAǴANDY

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar