Aımaqtar • 27 Sáýir, 2020

2020 jyly 2 ese kóp mektep salynady - Altaı Kólginov

18 retkórsetildi

Bıyl Nur-Sultanda 2019 jylmen salystyrǵanda eki ese kóp mektep salynady. 2020 jyly 12 mektep paıdalanýǵa berilip, taǵy 12 mekteptiń qurylysyn bastaý josparlanyp otyr. 20 myńnan astam oqýshy orny qurylady. Elorda ákimi Altaı Kólginov Maıqaıyń men A351 kósheleriniń qıylysynda ornalasqan mekteptiń qurylysymen tanysty. Mektep 1200 orynǵa eseptelgen, 2021 jyly paıdalanýǵa beriledi.

«Qalada halyq sanynyń ósýine oraı áleýmettik nysandarǵa júkteme artyp keledi. Qazir úsh aýysymda oqytyp jatqan mektepter bar. Úsh aýysymdy oqytý máselenin sheshý úshin jylyna kem degende 10 mektep salý qajet. Bıyl 12 mektep jáne 2021 jyly taǵy sonsha mektep salynady. Qurylys jumystary tıisti deńgeıde júrgizilip, abattandyrý máselelerin aldyn ala sheshý qajet. Qurylys jumystaryn júrgizgen kezde sanıtarlyq normalar qatań saqtalýy kerek», - dedi qala ákimi Altaı Kólginov.

Mektep qurylysyna jeke ınvestorlar da qatysyp jatyr. Keshendi jospar aıasynda 5 jyl ishinde 60 myń oryndyq 50 mektep (onyń ishinde 10 mektep qazirgi tańda jumys jasap turǵan mektepterdiń aýmaǵynda) salý josparlanǵan. Bul eki aýysymda 120 myńǵa jýyq oqýshy ornyn qurýǵa múmkindik beredi.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar