Aımaqtar • 27 Sáýir, 2020

Aqtaýda shala týylǵan balaǵa sátti ota jasaldy

49 retkórsetildi

Mańǵystaý oblysy «Ana men bala» perınataldyq ortalyǵynda akýsher-dárigerler júkti áıeldiń ishindegi qursaqty aman alyp qalý úshin kesir tiligin jasaýyna týra kelgen. 29 jastaǵy jas ananyń bul ekinshi sábıin dúnıege ákelýi. О́mirge kelgen qyz bala merziminen buryn týǵan. Bul týraly Mańǵystaý oblysy densaýlyq saqtaý basqarmasynyń baspasóz qyzmeti habarlady.

Mańǵystaý oblysy perınataldyq ortalyǵynyń meńgerýshisi Úmid Rashıdovtyń aıtýynsha, 29 jasar ananyń júktiligi túrli qıyndyqtarmen ótken. 27 apta 4 kún degende kesir tiligi arqyly júkti kelinshekti shuǵyl túrde bosandyryp alý jóninde sheshim qabyldanǵan. Sebebi qaýip tek anasy emes, ómirge kelmegen nárestege de tóngen bolatyn.

Mundaı jaǵdaıda júktiliktiń merzimine qaramastan ana men balany aman alyp qalý úshin mindetti túrde ota jasalady. Osylaısha shuǵyl áreket etýdiń nátıjesinde ústimizdegi jyldyń 17 naýryzynda jergilikti ýaqytpen 17 saǵat 23 mınýtta salmaǵy 1000 gramm jáne boıynyń uzyndyǵy 32 sm shaqalaq dúnıege keldi.

Sábı jańa týǵan balalardyń jan saqtaý bólimshesine aýdarylyp, «Respıratorlyq dıstress-sındrom» atty aldyn-ala dıagnozy qoıylǵan. Basqasha aıtqanda merziminen buryn dúnıege kelgen balanyń ókpesi durys qalyptaspaǵan. Onyń ústine qursaqishilik juqpanyń qaýip-qateri bolǵan. Sol sebepti alǵashynda náresteni jasandy tynys alý apparatyna qosyp qoıǵan, sonymen qatar rentgen jáne ýltradybystyq zertteýden ótkizgen. Nátıjesinde, alǵashqy ýltradybystyq zertteý shaqalaqta kúretamyrly ózektiń 16 mıllımetrge deıin ashyq ekendigin kórsetken, al bul negizinen 15 mıllımetrden aspaýy tıis.

«Biz balalar kardıology jáne kardıohırýrgtiń keńesine júgingen bolatynbyz. Týa bitken júrek kemistigi degen dıagnoz qoıyldy. Balalar kardıohırýrgi Ordabav Ernur Ahanuly ota jasady. Al otanyń uzaqtyǵy 30 mınýtqa jalǵasty. Sábı qazir SIPAP apparatynda jatyr, basqasha aıtqanda tynystyq qoldaýda. Bul degenimiz jasandy tynys alý emes, munda bala ózdiginen demala alady. Jalpy mundaı otalar oblystyq perınataldyq ortalyqta 2019 jyldan beri jasalyp keledi. Anasy men qyzyna barlyq jaǵdaı jasalǵan. Osy otaǵa qatysqan árbir aq halatty abzan jannyń orny erekshe, barlyǵyna rızashylyǵymyzdy bildiremiz, deıdi Úmid Rashıdov.

Qazirgi ýaqytta náreste ózin jaqsy sezinýde. Salmaq qosyp keledi. 8 mıllıgramnan sút berilip otyr. Týǵan kezindegi salmaǵy 1000 gramm bolsa, qazirgi salmaǵy 1240 gramm. Bir aıdan asty. Sábı ózdiginen demalyp bastaǵasyn ekinshi kezeńge ótedi. Ázirge anasy men qyzy perınataldyq ortalyqta bolady. Salmaǵy 1800 grammnan asqan soń, ekpe jasalýy tıis. Sodan soń anasy men qyzy úıine qaıtady.

 

Mańǵystaý oblysy

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar