Qazaqstan • 27 Sáýir, 2020

Qazaqstan uny «hıtke» aınaldy

3602 retkórsetildi

Qazaqstan týraly alpaýyt buqaralyq aqparat quraldaryna shyqqan árbir jańalyqty jiti qadaǵalap otyramyz. Taıaýda Reıter agenttiginde Aýǵanstanǵa jiberilgen kómek jóninde sýret shyqty. Oǵan qarap otyryp qazaq áripteri kózimizge ottaı basyldy.

Sýrette Kabýl qalasy turǵyndaryna beriletin azyq-túlik sebeti qaz-qatar tizilgen. Onyń quramynda bir qap un, 10 keli kúrish, 5 lıtr suıyq maı jáne suıyq sabyn bar. Osy azyq-túlik sebetindegi unnyń basym bóligi Qazaqstannan jetkizilgen.

Qysqasy, Qazaqstan uny «hıtqa» aınalyp tur. Bulaı deıtinimiz, Reıter agenttigi atalǵan sýretti áleýmettik jelidegi paraqshalaryna bólisip, apta fotosy retinde kórsetken.

Reıter agenttiginiń Aýǵanstanǵa ekpin berýiniń máni mynada. Talaı jyl soǵystan kóz ashpaǵan memlekette koronavırýsqa baılanysty jaǵdaı tipti qıyn. Karantın merzimi 9 mamyrǵa deıin sozylǵan. Asa muqtaj bolmasa, kóshege shyǵýǵa tyıym salynǵan. Kabýldaǵy búkil joldar jabylǵan.

Búginge deıin 1531 adamǵa Covid-19 vırýsy juqqan, al qaıtys bolǵandar sany 50-ge jetti. Eldegi ahýaldyń qıyndyǵyn eskerip, Aýǵanstan densaýlyq saqtaý mınıstrligi halyqtyń 80 paıyzy naýqastanýy múmkin ekenin málimdegen. Sondaı-aq 100 myńnan astam adam qaıtys bolýy yqtımal.

Osyǵan baılanysty el bıligi halyqaralyq qoǵamdastyqtan kómek surap otyr. Aıta ketý kerek, Qazaqstan Aýǵanstanǵa qol ushyn sozý jaǵynan kende emes. Elimiz túrli salalar boıynsha yntymaqtastyqty jolǵa qoıǵan. Máselen, 2010 jyldan bastap 2021 jylǵa deıingi kezeńde qazaqstandyq joǵary oqý oryndarynda Aýǵanstannyń 1 myńnan astam azamaty bilim alady. 2018 jyly Qazaqstan men Aýǵanstan arasyndaǵy taýar aınalymy 520,6 mln dollardy qurady. Onyń basym bóligi eksporttyń quny 516,4 mln dollar.

Gýmanıtarlyq kómek aıasynda Qazaqstan jyl saıyn Aýǵanstanǵa astyq jiberip keledi. Reıter agenttiginde «hıt» bolǵan sýrettegi un da osy kómek aıasynda jetkizilgen bolatyn. Budan bólek, Aýǵanstan «toǵyzynshy terrıtorııanyń» bıdaıy men unyn eksporttaıtyn elderdiń biri. Máselen, sońǵy eki jylda 1,5 mıllıon tonnaǵa jýyq bıdaı men un eksporttalǵan.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar