Munyń ózi óńirde ylǵal men sý resýrstary tapshylyǵyn týǵyzýy ábden múmkin bolyp otyr. Bul máseleni retteýde «KazSýShar» RMK Aqtóbe fılıaly sý qoımasynyń alatyn orny joǵary. Atalǵan gıdroınjenerlik kásiporyn jazǵy maýsym kezinde sý tapshylyǵyn boldyrmaý maqsatynda Aqtóbedegi iri kásiporyndar men sharýalardy sýmen qamtamasyz etýmen aınalysady.
О́tken jyly qoımaǵa 18-20 mıllıon tekshe metr sý jınalǵan bolsa, bıyl 40-60 mıllıon tekshe metr sý qoryn jasaqtaý belgilengen. Qazirdiń ózinde onyń otyz paıyzdyq mólsheri jınalyp úlgergen. Qoımaǵa sý Ilek ózeni men onyń aınalasyndaǵy onnan astam kishi sý aǵarlardan kelip quıylady. «KazSýShar» RMK Aqtóbe fılıalynyń basshysy Egemen.kz tilshisine bıyl sý qorynan tapshylyq bolmaıtynyn, retteý joldary alynǵanyn aıtyp berdi.
