Olımpııa oıyndarynyń jalpy komandalyq esebinde Ulybrıtanııa quramasy kósh bastady. Jarys qojaıyndary 146 (56 altyn+51 kúmis+39 qola) júldege qol jetkizdi. Sondaı-aq AQSh (23+12+12), Shvesııa (8+6+11), Fransııa (5+5+9) jáne Germanııa (3+5+5) syndy memleketter úzdik bestiktiń qatarynan kórindi.
Jekelegen sportshylar arasynda eń zor nátıjege ulybrıtanııalyq júzýshi Genrı Teılor men amerıkalyq jeńil atlet Melvın Shepperd qol jetkizdi. Olardyń árqaısysy úsh altynnan oljalady. Sonymen qatar, ulybrıtanııalyq Bendjamın Djons (2+1+0), Djozaııa Rıchchı (1+1+1), Tomas Renken (0+3+0), shvesııalyq Oskar Svan (2+0+1), amerıkalyq Martın Sherıdan (2+0+1) syndy sańlaqtar da úsh retten jeńis tuǵyryna kóterildi.
