Aımaqtar • 27 Sáýir, 2020

Almatyda polısııa qalaı jumys istep jatyr?

76 retkórsetildi

Alyp megapolıs turǵyndary áli de bolsa kúsheıtilgen karantın rejıminde ómir súrip jatyr. Keıbir iri kásiporyndar jumysyn bastaǵanymen jolaýshylar men júrgizýshilerdi tekserý jumystary toqtaǵan joq.

«Mindet – qoǵamnyń qaýipsizdigin qamtamasyz etý. Qyzmetkerlerimiz qaladaǵy 27 blok-beket pen 41 mobıldi bekette karantın kezindegi halyqtyń árli-berli qatynaýyn qadaǵalaıdy. Esh sebepsiz qalada júrip-turýǵa bolmaıtynyn buǵan deıin de aıtqanbyz. Dese de tártipke baǵynbaıtyndar áli de tabylýda. Qazirgi tańda 476-bap boıynsha tótenshe jaǵdaı rejımin buzý jóninde 1770 adam ákimshilik jaýapkershilikke tartyldy. Onyń ishinde 490 adam qamalsa, qalǵan adamdarǵa aıyppul salyndy nemese eskertý jasaldy», – deıdi Almaty qalasy Polısııa departamenti ákimshilik polısııa basqarmasynyń basshysy Jandos Muratálıev.

Blok-beketterden bólek, qala ishinde jumys isteıtin mobıldi jedel toptar shahardyń barlyq aýmaqtaryn, kóshelerin tutas qamtyǵan. Olar kóliktiń memlekettik nómirin planshettiń kómegimen  arnaıy baza arqyly tekserip, júrýge ruqsattyń bar-joǵyn anyqtaıdy. Al qalanyń tynys-tirshiligine qatysy bar júk jáne qoǵamdyq kólikter arnaıy jolaq arqyly ótedi. Eger kóliktiń karantın kezinde júrýge ruqsaty joq bolyp, esh sebepsiz shyqsa, transport arnaıy turaqqa jetkizilip, júrgizýshige qomaqty aıyppul salynady.

Sońǵy jańalyqtar

Qazaqtyń qadirli edi qarııasy

Rýhanııat • Búgin, 06:50

Syrdaǵy eginniń sýsyz qalý qaýpi bar

Ekologııa • Búgin, 06:48

Eriktiler balalardy quttyqtady

Aımaqtar • Keshe

Uqsas jańalyqtar