Sportshylar otbasynda dúnıege kelgen Dınara balaýsa kezinen tennıspen aınalysty. Ár jyldary WTA týrnıriniń jekelegen saıysynda 12 ret top jaryp, juptyq básekede 9 márte dara shyqty. Eki ret «Rolan Garrostyń» jáne bir márte Aýstralııanyń ashyq birinshiliginiń fınalynda óner kórsetti. 2008 jyly Beıjiń Olımpıadasynda kúmis medaldi ıelense, 2009 jyldyń kókteminde álemniń birinshi raketkasy atandy.
Dınaranyń ulty – tatar. Onyń týǵan aǵasy Marat Safınnyń da qandaı myqty tennısshi bolǵanyn jankúıerler jaqsy biledi. Bıyl 40 jasqa tolǵan Marat ǵasyrlar toǵysynda álemdik reıtıngte kósh bastady. Ákesi Móbın Alıkseıuly Máskeýdegi tennıs klýbyn basqarsa, anasy Raýza Muhamedjanqyzy halyqaralyq dárejedegi sport sheberi. Kezinde ol óz balalaryn ǵana emes, Elena Dementeva, Anastasııa Myskına jáne Anna Kýrnıkova syndy tennısshilerdi de jattyqtyrdy.
