Aımaqtar • 27 Sáýir, 2020

Atyraýda myrysh sehy iske qosylady

53 retkórsetildi

Atyraý oblysyndaǵy «Caspian Contractors Trust Atyrau» JShS-niń zaýytynda ǵımarattar men estakadalar, kópirler, fermalar, tirekter men modýlder, kólemi 20000 tekshe metrge deıingi rezervýarlar, ydystar, reaktorlar, shyraqty júıeler, munaralar, kótergish jabdyqtar, sonymen birge, kez kelgen kúrdeli qubyr bekitkish jobalanady.

Bulardyń bárin seriktestik mamandary 80 myń sharshy metr aýmaqta ornalasqan óndiristik bazada daıyndaıdy. Byltyr seriktestiktiń óndiris kólemi 8 mlrd teńgeni qurady. Seriktestiktiń bas dırektory Nurken Esqalıevtyń aıtýynsha, kásiporynnyń óndiristik bazasynda jylyna 24 myń tonna metall konstrýksııalaryn shyǵarýǵa bolady.

– Biz 2016 jyly rekonstrýksııalaýdyń birinshi kezeńin aıaqtadyq. Sonyń arqasynda zaýyttyń ónimdiligi 10 esege artty. Qazir kásiporynda 450 adam jumys isteıdi. Bizdiń tapsyrys berýshilerimiz – Qashaǵan, Teńiz, Qarashyǵanaq ken orny sekildi halyqaralyq  jobalarda  jumys isteıtin iri operatorlar. Bul jobalardaǵy kompanııalardyń barlyǵy ­ bizdiń ónimderimizdi  tutynady. Bıyl biz ystyqtaı myryshtaý sehyn iske qosýdy josparlap otyrmyz. Sondaı-aq metall qurylymdary men tehnologııalyq jabdyqtardyń keshendi jetkizýshisi retindegi pozısııamyzdy kúsheıtýdi kózdeımiz, - deıdi Nurken Esqalıev.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar