Parlament • 27 Sáýir, 2020

Beıbit jınalystardy uıymdastyrý jáne ótkizý tártibine ózgerister engiziledi

21 retkórsetildi

Senatta Vladımır Volkovtyń tóraǵalyq etýimen Konstıtýsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy boldy. Onda «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» jáne «Qazaqstan Respýblıkasynyń keıbir zańnamalyq aktilerine Qazaqstan Respýblıkasynda beıbit jınalystardy uıymdastyrý jáne ótkizý tártibi máseleleri boıynsha ózgerister men tolyqtyrý engizý týraly» zań jobalary qaraldy, dep habarlady Senattyń baspasóz qyzmeti.

«Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zań jobasynda pıketteý, jınalys, mıtıng, demonstrasııa, sherý sııaqty kópshilik pikirin bildirýdi qamtıtyn beıbit jınalystar túrleri kórinis tapqan jáne olardyń negizgi prınsıpteri qarastyrylady, beıbit jınalystar ótkizýge bolatyn arnaıy oryndardy uıymdastyrýdy qamtamasyz etýge qoıylatyn talaptar aıqyndaldy.

Zań jobasynda sondaı-aq memlekettiń qorǵanys qabiletin, qaýipsizdigin jáne halyqtyń tynys-tirshiligin qamtamasyz etetin uıymdardy, onyń ishinde strategııalyq jáne áskerı obektilerdi,  sondaı-aq Qazaqstan Respýblıkasy Prezıdentiniń, Qazaqstan Respýblıkasy Tuńǵysh Prezıdenti – Elbasynyń rezıdensııalaryna irgeles aýmaqtardy qospaǵanda, kez kelgen jerlerde, onyń ishinde ortalyq memlekettik organdardyń, jergilikti atqarýshy organdardyń ǵımarattary mańynda jeke pıketter ótkizý múmkindigi engizilgen.

Zań jobasynda beıbit jınalystardy uıymdastyrýshylardyń, qatysýshylardyń mártebesi, quqyqtary men mindetteri bekitiledi, memlekettik organdardyń beıbit jınalystar uıymdastyrýshylaryna kómek kórsetý jónindegi mindetteri kózdeledi, jergilikti atqarýshy organdarǵa beıbit jınalystar ótkizýden bas tartý úshin negizderdiń tolyq tizbesi belgilenedi. Odan basqa, beıbit jınalystar ótkizý kezinde úgit ınstıtýty engiziledi, ony uıymdastyrýshylar buqaralyq aqparat quraldary, áleýmettik jeliler, mesendjerler arqyly ótkize alady.

Zań jobasyn qabyldaý beıbit jınalystardy ótkizý salasyndaǵy qoǵamdyq qatynastardy tıimdi retteýge, azamattardyń beıbit jáne qarýsyz jınalýǵa konstıtýsııalyq quqyǵyn iske asyrýdyń quqyqtyq negizderin qamtamasyz etýge, jınalystar, mıtıngiler men demonstrasııalar, sherýler men pıketter ótkizýge, sondaı-aq azamattyq qoǵam ınstıtýttaryn jáne jeke tulǵa men memleket arasyndaǵy ózara qarym-qatynas tetikteriniń tıimdiligin damytýǵa múmkindik beredi.

Komıtettiń keńeıtilgen otyrysynda depýtattar «Qazaqstan Respýblıkasynyń keıbir zańnamalyq aktilerine Qazaqstan Respýblıkasynda beıbit jınalystardy uıymdastyrý jáne ótkizý tártibi máseleleri boıynsha ózgerister men tolyqtyrý engizý týraly» zań jobasyn da qarady.

Bul zań jobasynda «beıbit jınalys» uǵymynyń engizilýine baılanysty 3 kodeks pen 8 zańǵa ózgerister men tolyqtyrýlar engizý kózdelgen. Sonymen qatar uıymdastyrýshylardyń, qatysýshylardyń ákimshilik zańnamany buzǵany úshin, sondaı-aq sanksııa berilmegen mıtıngilerdi uıymdastyrǵany jáne qatysqany úshin ákimshilik jaýapkershiligin kúsheıtý usynylady.

Zań jobasynda sonymen qatar «Buqaralyq aqparat quraldary týraly» zańǵa túzetýler de bar, oǵan sáıkes buqaralyq aqparat quraldary salasyndaǵy ýákiletti organ beıbit jınalystarǵa qatysatyn jýrnalıstiń (buqaralyq aqparat quraldary ókiliniń) qyzmet erejelerin, jýrnalıstiń aıyrym belgileriniń nysandaryn bekitedi.

Zań jobasy qoǵamdyq qatynastardy retteıdi jáne azamattyq qoǵam ınstıtýttaryn, azamattar men memleket arasyndaǵy ózara qarym-qatynastardyń jańa tetikterin damytady, azamattardyń beıbit jınalystar ótkizý quqyǵyn iske asyrýǵa baılanysty qoǵamdyq-saıası turaqtylyqty ornyqtyratyn bolady.

Qujattar Palatanyń qaraýyna berildi.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar