Aımaqtar • 27 Sáýir, 2020

Alpaýyt ujym medısınalyq uıymǵa qoldaý kórsetti

1050 retkórsetildi

Pandemııaǵa baılanysty gýmanıtarlyq kómek kórsetý baǵdarlamasy aıasynda Qazaqstannyń medısınalyq mekemelerin qajetti medısınalyq quraldarmen qamtamasyz etý úshin  «Hýaveı Teknolodjız Kazahstan» kompanııasynan 3M farmatty súzgisi bar respıratorlar, sondaı-aq 3M qorǵanys kıimderi satyp alyndy.

9 mln teńgeden astam qarajatty quraıtyn jeke qorǵanys quraldary «SQ-Farmasııa» kompanııasyna tapsyryldy. Aıta keteıik, tótenshe jaǵdaıdy joıý jónindegi memlekettik komıssııanyń sheshimimen «SQ-Farmasııa» gýmanıtarlyq kómek taratýdyń biryńǵaı operatory retinde anyqtalǵan bolatyn.

«Búgin bizge «Hýaveı Teknolodjız Kazahstan» kompanııasynan gýmanıtarlyq kómek kelip tústi. Alynǵan jeke qorǵanys quraldary qazirgi ýaqytta eń muqtaj medısınalyq uıymdarǵa taratylatyn bolady», - dedi «SQ-Farmasııa» JShS basqarma tóraǵasy Berik Shárip.

Onyń aıtýynsha, Biryńǵaı dıstrıbıýtor barlyq kelip túsken gýmanıtarlyq kómekti qabyldaıdy, medısınalyq uıymdar arasynan tapsyrys qabyldaıdy jáne bıznes ókilderinen kelip túsken taýarlardy eldiń barlyq medısınalyq uıymdaryna jetkizýdi qamtamasyz etedi.

Qazirgi tańda elge AQSh, Qytaı, Ońtústik Koreıa, Japonııa, Túrkııa jáne BAÁ elderinen gýmanıtarlyq kómek kórsetildi. Sondaı-aq qazaqstandyq kompanııalarda  otandastarymyzǵa barlyq kómekterin kórsetip jatyr.

«Biz Qazaqstan Respýblıkasynyń Prezıdenti Qasym-Jomart Toqaevtyń bastamasymen COVID-19 ben kúresýge baǵyttalǵan #bizbirgemiz aksııasyn tolyǵymen qoldaımyz. Qazirgi tańda úlken jumys atqaryp jatqan medısına qyzmetkerlerine qoldaý kórsetý óte mańyzdy, sondyqtan biz olardy qorǵanys quraldarymen qamtamasyz etýge óz úlesimizdi qosýdy jón kórdik. Biz bárin birge jeńemiz», - dedi «Hýaveı Teknolodjız Kazahstan» kompanııasynyń bas dırektorynyń orynbasary Lıý Dı.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar