Elorda • 27 Sáýir, 2020

Nur-Sultanda karantın aımaǵynan ótý áreketi úshin 143 azamat qamaýǵa alyndy

10 retkórsetildi

Eskertýlerge qaramastan, jol bógetterin aınalyp ótip, karantın aımaǵynan ótý áreketteri toqtamaı tur, dep habarlady elorda ákimdiginiń baspasóz qyzmeti.

Qalalyq polısııa bóliminiń baspasóz qyzmeti habarlaǵandaı, Nur-Sultan qalasynda karantın bastalǵaly 3 347 azamat jaýapqa tartylyp, onyń 226-sy qamaýǵa alyndy. Sondaı-aq 2348 adamǵa aıyppul salynyp, 699 quqyq buzýshyǵa eskertý jasaldy. 74 is sotta qaralýda. Ákimdiktiń kommýnaldyq turaǵyna 1160 kólik qoıyldy.

«Shekteýler men eskertýlerge qaramastan blok-posttarǵa toqtamaı, karantın aımaǵyn kesip ótý áreketteri jıi oryn alýda. Búginde 143 adam qamaýǵa alynyp, 44 adamǵa aıyppul salyndy. 24 materıal sot qarýyna jiberildi», – deıdi baspasóz qyzmeti.

«Qurmetti qala turǵyndary, biz halyq qaýipsizdigin qamtamasyz etý úshin karantın kezinde qoıylǵan sharttardyń qatań saqtalýyn talap etemiz. Qabyldanǵan sharalarǵa túsinistikpen qarap, polısııanyń zańdy talaptaryn oryndańyz jáne olarǵa ınfeksııanyń aldyn alýǵa kómektesińiz. Bul sharalardyń barlyǵy sizdiń jáne jaqyndaryńyzdyń densaýlyǵy úshin jasaldy», – delingen habarlamada. Al Nur-Sultan qalalyq polısııa bólimi arnaıy rejımde jumysyn jalǵastyrýda. Elordada koronavırýs ınfeksııasynyń taralýyn boldyrmaý, azamattardyń ómiri men densaýlyǵyn saqtaý úshin barlyq qajetti sharalar qabyldanýda.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar