Aımaqtar • 27 Sáýir, 2020

Túrkistan: Aýrýhanalar germanııalyq О́JJ apparatymen qamtamasyz etiledi

13 retkórsetildi

Túrkistan oblysynyń barlyq aýdandyq, qalalyq aýrýhanalary Germanııada óndirilgen «Jenny» markaly ókpeni jasandy jeldetý apparattarymen qamtamasyz etiledi. Jańa medısınalyq apparatty oblys ákimdiginde arnaıy mamandar tanystyrdy.

Oblystyq bıýdjet esebinen qarjylandyrylǵan 26 ókpeni jasandy jeldetý apparattary eń aldymen Jetisaı, Ordabasy, Kentaý, Otyrar, Saryaǵash, Saıram, Túlkibas aýdandyq ortalyq aýrýhanalary men Túrkistan qalalyq ortalyq jáne balalar aýrýhanasyna jetkizilmek. Atalǵan qondyrǵylarǵa oblystyq Qoǵamdyq densaýlyq basqarmasy ótken jyldyń jeltoqsan aıynda tapsyrys bergen. Sol ýaqytta belgilengen baǵamen árqaısysy 16 mıllıon teńgege satyp alynǵan. Oblys ákimi О́mirzaq Shókeev indettiń taralmaýyn maqsat etetin is-sharalardyń qatań baqylaýda ekenin, apparattardy alyp kelýge jetkizýshi kompanııa qoldaý kórsetkenin aıtyp ótti.  Apparattar balalarǵa da, eresekterge de arnalǵan.

dd

Ázirge oblys aýmaǵynda О́JJ apparatyna táýeldi aýyr haldegi naýqastar joq. Sońǵy úlgide jabdyqtalǵan apparattar bir mezette qan qysymyn kórsetip, júrek soǵysy men kardıogrammasyn ekranda birden kórsetip turady. Olardy óńirdegi aýrýhanalardyń birinshi basshylary men jansaqtaý bóliminiń dárigerleri, ınjener-mamandary tekserip, qabyldap alýda.

 

Túrkistan oblysy

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar