Qoǵam • 27 Sáýir, 2020

Birjan Nurymbetov jumys berýshilerdi «Qaýipsiz eńbek» is-sharalaryn ótkizýge shaqyrdy

15 retkórsetildi

Dúnıejúzilik eńbekti qorǵaý kúni qarsańynda Eńbek jáne halyqty áleýmettik qorǵaý mınıstri Birjan Nurymbetov jumys berýshilerge, kásipodaqtar men eńbek ujymdaryna «Qaýipsiz eńbek» uranymen is-sharalar ótkizýge, sondaı-aq «Vision Zero» nóldik jaraqattaný tujyrymdamasyna qosylýǵa shaqyrdy. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

- Jyl saıyn 28 sáýirde Dúnıejúzilik eńbekti qorǵaý kúni atap ótiledi. 2020 jyly onyń taqyryby «Pandemııany toqtatý: jumystaǵy qaýipsizdik pen densaýlyq adam ómirin saqtap qalady» dep jarııalandy. 28 sáýirde álemdik jurtshylyqpen yntymaqtasa otyryp biz óndiriste zardap shekken qyzmetkerlerge qurmet kórsetemiz, eńbek qaýipsizdigi jáne eńbekti qorǵaý jónindegi sharalardy saqtaýǵa shaqyramyz, eńbek mádenıetin nasıhattaımyz, -dedi mınıstr.

Onyń aıtýynsha, álemde jyl saıyn 2 mln-nan astam adam qaza tabatyn 270 mln jazataıym oqıǵa jáne 160 mln kásibı aýrýlar tirkeledi.

- О́kinishke qaraı, mundaı jaǵdaılar bizdiń elde de oryn alyp jatady. Respýblıkamyzdyń kásiporyndarynda jyl saıyn 1300-den astam qyzmetker jaraqat alady. 2020 jylǵy birinshi toqsannyń qorytyndysy boıynsha zardap shekkenderdiń sany 341 adamdy qurady. Zııandy jáne qaýipti eńbek jaǵdaılarynda 2019 jyly 370 myńnan astam qyzmetker jumys istedi: shý men dirildiń joǵary deńgeıi jaǵdaıynda árbir ekinshi (45,9%), jumys aımaǵynyń joǵary gazdanýy men shańdanýy jaǵdaıynda árbir úshinshi (32,6%) jumysker eńbek etti. 94 myń adam nemese saýalnamaǵa qatysqan kásiporyndar qyzmetkerleriniń sanynan 5,6%-y aýyr dene eńbegimen aınalysqan, - dedi B.Nurymbetov.

Mınıstrdiń sózine súıensek, ótken jyly 676 myń qyzmetker zııandy eńbek jaǵdaılaryndaǵy jumys úshin 128 mlrd teńge kóleminde túrli ótemaqy aldy.

- Qazaqstanda 2020-2021 jyldarǵa arnalǵan jumyspen qamtýdyń jol kartasyn iske asyrý bastaldy, onyń aıasynda 255 myń adamdy jumyspen qamtý josparlanǵan. Biz jumys berýshilerdi jumysshylarǵa qaýipsiz eńbek jaǵdaılaryn jasaýǵa shaqyramyz. Jaraqattanýdy jáne eńbek jaǵdaılary zııandy jumys oryndarynyń sanyn azaıtý maqsatynda Úkimet qaýlysymen 2019 jyly О́ndiristik jaraqattanýdy jáne eńbek jaǵdaılary zııandy jumys oryndaryn azaıtý jónindegi 2019 - 2023 jyldarǵa arnalǵan jol kartasy bekitildi.

Uıymdarda eńbekti qorǵaýdy basqarý júıesin engizý tetigin kózdeıtin eńbek máseleleri jónindegi zań jobasy Parlament Senatynyń qaraýynda.

Zań jobasy qabyldanǵannan keıin eńbekti qorǵaýdy basqarý júıesi jumysshylardyń qaýipsizdigi men densaýlyǵynyń saqtalýyna jumystaǵy qaýipti faktorlardyń áserin anyqtaý úshin olardan týyndaıtyn táýekelderdi taldaýǵa negizdeletin bolady.

Jumys berýshilerdi, kásipodaqtardy, eńbek ujymdaryn «Qaýipsiz eńbek» uranymen is-sharalar ótkizýge, sondaı-aq «Vision Zero» nóldik jaraqattaný tujyrymdamasyna qosylýǵa shaqyramyz. О́tkizilgen is-sharalardyń negizgi maqsaty óndiristik jaraqattanýdyń aldyn alý, qaýipsiz eńbekti nasıhattaý jáne qyzmetkerlerdiń eńbek prosesiniń qaýipsizdigine sanaly kózqarasyn arttyrý bolyp tabylady. Ol úshin bizge barlyq múmkindikterdi paıdalaný qajet, – delingen Birjan Nurymbetovtyń málimdemesinde.

Sońǵy jańalyqtar

Aqmolada joldar jóndeledi

Aımaqtar • Búgin, 09:12

Esilde 45 otbasy baspanaly bolady

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Fýtbol • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Uqsas jańalyqtar