Qoǵam • 27 Sáýir, 2020

Jazasyn óteýshilerde de júrek bolady

264 ret

kórsetildi

1 mın

oqý úshin

Sottalǵan, jazasyn túzeý mekemelerinde ótep júrgen jandardyń adamı qadir-qasıetine qoǵamnyń ózge músheleri tarapynan kúmán keltirilip qalatyn jáıtter ómirde ushyrasyp turady. Rasynda da solaı ma? Bul tym bir jaqty tujyrym sekildi. Buǵan Qylmystyq atqarý júıesi departamentinen alynǵan aqparat aıqyn aıǵaq bola alady. Iаǵnı, Aqtóbedegi KA-168/1 eńbekpen túzeý mekemesinde jazasyn óteýshi óziniń jalaqysyn múgedek balalarǵa berý jóninde sheshim alǵan.

Temir QUSAIYN

Túıip aıtqanda sottalǵan Meırambek Boranbaev eldegi tótenshe jaǵdaıǵa baılanysty múmkindigi shekteýli jandarǵa bir aılyq jalaqysyn aýdaryp, qaıyrymdylyq jasaý jóninde sheshimge kelgenin aıtady. Ol osy usynysyna qoldaý bildirgen eńbekpen túzeý mekemesiniń basshylyǵyna alǵysyn bildire kelip, basqa azamattarǵa da qıyn jaǵdaıda birge bolýǵa shaqyrady.

Atalǵan qarajatqa birneshe otbasyǵa azyq-túlik túrleri satyp alynǵan. Qaıyrymdylyq kómegin alǵan Aqtóbe qalasyndaǵy «Ǵajap» múgedek balalar qoǵamdyq birlestiginiń tóraıymy Botagóz Dúısekova karantın kezinde qaıyrymdylyq is jasaǵan sottalýshynyń azamattyq sheshimine rızashylyǵyn jetkizip, múgedek balalar tárbıelep otyrǵan barlyq ata-analardyń atynan alǵys aıtty.