Aımaqtar • 27 Sáýir, 2020

Eriktiler azyq-túlik sebetterimen qamtamasyz etýdi jalǵastyrýda

27 retkórsetildi

«Jas Otan» jastar qanatynyń eriktileri  jalǵyzbasty qarttarǵa, kópbalaly jáne az qamtylǵan otbasylarǵa, jetim balalarǵa, ardagerlerge, erekshe qajettilikteri bar jáne t.b. azamattarǵa ataýly kómek kórsetýdi jalǵastyrýda.

Atalmysh aksııanyń II kezeńi aıasynda volonterler qataryna qazaqstandyq estrada ókilderi, telejúrgizýshiler, akterler jáne t.b. óner maıtalmandary qosyldy. Búgin volonter qataryna Tursynbek Qabatov, Jeńis Seıdýllauly, Marjan Arapbaeva jáne Ádil Ahmetov qosyldy.

«Men osy jerde bolyp, atalǵan naýqanǵa volonter retinde qatysýǵa qýanyshtymyn. Jastardyń osyndaı qıyn kezeńde óz eline jaýapkershilikpen kómektesip jatqandary óte qatty qýantady. Osy pandemııa tezirek aıaqtalyp, árqashanda aspanymyz ashyq bolyp, elimizdiń tynyshtyǵy buzylmasyn dep tileımin. Azamattardy karantındik sharalardy saqtaýǵa shaqyrǵym keledi. Biz birgemiz!» - dedi Tursynbek Qabatov.

Búgingi tańda jasotandyqtar el boıynsha 65 myńnan astam otbasyn áleýmettik sebettermen qamtamasyz etti. Volonterler úlestiretin ár qo­rapta 30 kılodan astam azyq-túlik bar. Oǵan birinshi qajet­tiliktegi azyq-túlik ónimderi, jarma, makaron, kúnbaǵys maıy jáne shaı sekildi taýarlar kiredi. Sondaı-aq azyq-túlikpen birge ár otbasyna 50 betperde tabystalady.

19 naýryzdan bastap Jas Otan-nyń 3000-nan astam eriktileri  65 myńnan astam otbasyn birinshi qajettiliktegi taýarlarmen qamtamasyz etýge kómek kórsetti.

QR Tuńǵysh Prezıdenti - Elbasy, «Nur Otan» partııasynyń kóshbasshysy N. Á. Nazarbaevtyń tapsyrmasy boıynsha qurylǵan «Birgemiz» qory búgingi tańda 152 000 az qamtylǵan otbasylarǵa 50 000 teńgeden qarjylaı kómek kórsetti.

Qor sondaı-aq, Nur-Sultan jáne Almaty qalalarynyń 2000-nan astam dárigerlerine 50 000 teńge kóleminde aqshalaı qoldaý kórsetti.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar