Qazaqstan • 27 Sáýir, 2020

Aýlada serýendeýge ruqsat berildi

49 retkórsetildi

Nur-Sultan qalasynyń turǵyndaryna qaýipsizdik sharalaryn qatań saqtaı otyryp, aýlalarda serýendeýge ruqsat berildi.

Memleket Basshysy Qasym-Jomart Toqaevtyń tapsyrmasyna sáıkes Memlekettik komıssııa turǵyndarǵa aýla jáne balalar alańdarynda serýendeýge ruqsat berý máselesin talqylady. Elorda turǵyndaryna 27 sáýirden bastap aýlaǵa shyǵýǵa ruqsat etildi. Sozylmaly aýrýy bar jáne egde adamdar erekshe saq bolýy kerek. Olarǵa asa qajettilik týyndamaǵan jaǵdaıda dalaǵa shyǵýdan bas tartý usynylady, sebebi bul sanattaǵy azamattar Covid-19 ınfeksııasyn juqtyrýǵa asa beıim.

Turǵyndar saqtyq sharalaryn qatań saqtap, qorǵanys quraldaryn paıdalanýy qajet. Balalar alańdarynda qashyqtyqtyń saqtalýy shart. Qala boıynsha kún saıyn dezınfeksııa jumystary júrgizilip jatyr. Aýla aýmaqtary, alańdar jáne t.b. qamtyldy. Dezınfeksııa jumystary kúsheıtiledi.

27 sáýirden bastap qatań sanıtarlyq normalardy saqtaı otyryp, turmystyq elektr tehnıkasyn satatyn dúkenderge (aýdany 2 myń sharshy metrden astam), bank qyzmeti men mıkroqarjy uıymdaryna, saqtandyrý qyzmetine; rıelterlik kompanııalarǵa, agenttikterge, jyljymaıtyn múlikti baǵalaý jónindegi konsaltıngtik qyzmetterge, tuqym satatyn dúkenderge, zoomagazınderge jumysyn qaıta bastaýǵa ruqsat etiledi.

Infeksııany juqtyrý qaýpi joıylmaǵandyqtan oıyn-saýyq jáne saýda ortalyqtary, kınoteatrlar, restorandar, saıabaqtar men adam kóp jınalatyn basqa da oryndar ázirge jabyq bolady. Qoǵamdyq kóliktiń jumysy karantın sońyna deıin toqtatyldy.

Balabaqshalar, úıirmeler men seksııalar jumys jasamaıdy. Al joǵary oqý oryndary, kolledjder, mektepter qashyqtan oqytýdy jalǵastyra beredi.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar