Jergilikti bılik tarapynan osy ýaqytqa deıin shahardaǵy shaǵyn jáne orta saýda oryndaryndaǵy baǵa turaqtylyǵy únemi qadaǵalanýda. Búgin de Taraz qalasy boıynsha áleýmettik mańyzy bar azyq-túlik taýarlarynyń shekti bólshek saýda baǵalaryna memlekettik baqylaý júrgizý maqsatynda qurylǵan jumysshy toby qala aýmaǵynda ornalasqan 6 dúkendi aralady. Olardyń ishinde «Iýbıleınyı», «Áýes», «Halıl», «Tańsholpan» jáne «Dáýlet» orta jáne shaǵyn sýpermarketteri bar. Atalǵan dúkenderdegi taýarlardy da halyq kóp tutynatyn bolǵandyqtan, mundaǵy baǵa máselesi de ózekti. Osy oraıda, qaladaǵy birqatar saýda núkteleriniń de baǵany zańsyz kótergeni anyqtalyp, nátıjesinde bári qalpyna keltirilgen.
Taraz qalalyq ákimdiginiń málimetinshe, atalǵan 6 dúkendegi áleýmettik mańyzdy azyq-túlik taýarlarynyń baǵalary birlesken buıryq arqyly belgilengen shekti baǵalarmen sáıkestendirilgen. Sonymen qatar, «Nurıslam» sýpermarketinde de qaraqumyqtyń baǵasy 440 teńge bolyp ketken. Alaıda, bul baǵa qala ákimdigi tarapynan 260 teńgege ózgertilgen. Qazirgi kezde qalada qaraqumyqtyń baǵasy 260 teńgeden satylýda.
Jambyl oblysy
