Aımaqtar • 27 Sáýir, 2020

Qyzylorda: Qala sharýashylyqtary kúrish dánin septi

628 retkórsetildi

Qyzylorda qalasyna qarasty sharýashylyqtar da kúrish egistigin bastady. Shahar basshysy Nurlybek Nálibaev Aqjarma aýyldyq okrýgindegi «Maǵjan ı K» JShS egis alqabynda alǵashqy dán seýip, dıqandarǵa sáttilik tiledi.

Qalalyq aýylsharýashylyq bóliminiń basshysy Dáýletbek Ábdirasýlov egiske daıyndyq týraly esep berdi.  «Abzal ı K» tolyq seriktestiginiń dırektory Maǵjan Eralıev kóktemgi egin naýqanynyń jumystary talapqa saı júrgizilip jatqanyn,  120 gektarǵa bıdaı, 158 gektar alqapqa eski jońyshqa, al 470 gektarǵa kúrish egiletindigin jetkizdi.

Shahar basshysy Nurlybek Nálibaev jumystyń agrotehnıkalyq talaptarǵa saı júrgizilýin nyqtap, dıqandarmen Úkimet tarapynan berilip jatqan jeńildikterdi tıimdi paıdalaný jaıly pikirlesti.  

Alǵashqy kúrish egý naýqanynda eńbek ardageri Serik Seıtnazarov sharýalarǵa bata berdi.

Jalpy bıyl, kóktemgi dala jumystaryna daıyndyq jumystary belgilengen josparǵa sáıkes júrgizilýde. Qala boıynsha 7395 gektar jerge aýyl sharýashylyq daqyldaryn egý mejelengen. Qazir tótenshe jaǵdaıǵa qaramastan sharýashylyqtar boıynsha erte kóktemde egiletin 292 gektar jazdyq bıdaı,  20 gektar arpa, 5 gektarlyq alqapqa suly, 40 gektarǵa maqsary dáni sebildi. Al negizgi daqyl – kúrishti 3033 gektarǵa egý josparlanǵan.   

Memleket basshysynyń tapsyrmasymen naýqanǵa qajetti 705 tonna dızel otyny kezeń-kezeńimen jetkizilýde.  Ár lıtriniń baǵasy 162 teńge bolatyn arzan janarmaı dıqandar úshin úlken qoldaý ekeni anyq.

Búgingi kúnge deıin sý sharýashylyǵy nysandaryn daıyndaý, sý júıelerin tazartý jumystary tolyǵymen oryndaldy.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Uqsas jańalyqtar