Aımaqtar • 27 Sáýir, 2020

Almaty oblysyndaǵy 64 soǵys ardagerine 1 mln teńgeden syıaqy berildi

71 retkórsetildi

Búginde Almaty oblysynda ekinshi dúnıejúzi soǵysyna qatysqan 64 qart jaýynger bar. Kózi tiri ardagerlerge Jeńistiń 75 jyldyǵyna oraı 1 mln teńgeden syıaqy berilýde.

Jetisýdaǵy maıdangerler men tyl ardagerleri jáne olarǵa teńestirilgenderdiń deni Taldyqorǵan qalasynda turady eken. Qazir oblys ortalyǵynda qan maıdannan aman oralǵan 10 qart jaýynger, 1452 tyl ardageri, 65 maıdangerdiń jesiri jáne fashıstik konslager tutqyny bolǵan 1 adam meken etedi.

- Jeńistiń 75 jyldyǵyna oraı soǵys ardagerleri nazardan tys qalmaıdy. Qaharmandardyń bárine birdeı áleýmettik, materıaldyq kómek kórsetiledi. Oblystyq bıýdjetten Ekinshi dúnıejúzi soǵysynyń qatysýshylaryna, múgedekterine, jalpy 10 163 adamǵa bir rettik materıaldyq kómek kórsetiledi. Osy maqsatqa oblystyq qazynadan 386 mln teńge qarastyrylǵan. Al Taldyqorǵan qalasynda turatyn 10 ardagerge laıyqty qurmet kórsetýdi bastap kettik, - deıdi Taldyqorǵan qalasy ákiminiń orynbasary Sáýle Arzanbekov.

 

Almaty oblysy

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar