Qazaqstan • 27 Sáýir, 2020

Birlik qana jeńiske jetkizedi - Núketaı Myshbaeva

183 retkórsetildi

Memleket basshysy Qasym-Jomart Toqaevtyń 27 sáýir kúngi Qazaqstandaǵy karantındi 11 mamyrǵa deıin uzartý jóninde qabyldaǵan sheshimi jaıly estip, ózimniń bul sharaǵa tolyq qosylatynymdy aıtqym keledi. Qarap otyrsańyz, jan-jaqtaǵy álem elderi túgel osy sheshimge beıil berip otyr. Eýropa, TMD elderiniń kópshiligi karantın merzimin mamyrdyń ortasyna deıin, keıbiri tipti mamyrdyń sońyna deıin uzartatynyn jarııalady.

Biz el basqaryp otyrǵan azamattarǵa senim bildirip, olardyń qabyldaǵan bul sheshimin biraýyzdan qoldaýǵa tıispiz. Sebebi shybyqty bir-birlep syndyrý ońaı bolǵanmen, bir ýys etip jınap syndyrmaq bolsańyz, degenińe kónbeıdi emes pe. Birlik bar jerde ǵana kúsh bolady. Jan-jaqqa tý-talaqaı tartqylaǵan iste bereke bolmaıtyny sııaqty, bul indetti de tek biraýyzdylyqpen jáne tabandylyqpen ǵana eńseremiz.

Qasym-Jomart Kemeluly aıtyp otyrǵandaı, bizdiń el – óz basynan nebir náýbattardy ótkergen el. Keı jyldary qatary mıllıondap sırese de, esh qıynshylyqqa moıymaǵan, syn saǵattarynda tyń kúshke ıe bolyp, óziniń birlik pen yntymaqqa qushtarlyǵy arqasynda qandaı da bir ótkelderden aman ótken qaıratty halyqpyz. Búgin búkil álem bastan ótkerip otyrǵan qıyn kezeń – «Kóppen kórgen uly toı» deıtin pálsapashy qazaq úshin de ońaıǵa túsip otyrmaǵany anyq. Jumys toqtap, búkil adamzat bir sátke ańtarylyp qaldy. Árkim óziniń otbasynyń, bala-shaǵasynyń erteńin oılap alańdaýly. Biraq sen jalǵyz emessiń. «Biz birgemiz! Berik irgemiz!» degen uran jalań sóz emes. Barlyǵymyz bir kemede kele jatyrmyz, sondyqtan sabyr shaqyryp, kishkene shydam tanytaıyq,

Bul syn saǵatynda memleketimizdiń basshylary, saıasatkerlerimiz, basqa da azamattar jumyla otyryp jan-tánimen qarekettenýi búkil el bolyp birigýimiz  – bizdi bar qıynshylyqtan alyp shyǵady. Biz el basshylaryna sózsiz senýimiz kerek jáne olar qabyldaǵan ár sheshimdi qoldaı otyryp, óz tarapymyzdan qajetti is-qımyldar jasap, oqshaýlaný tártibi qaǵıdalaryn buzbaı, óz tarapymyzdan kómegimizdi kórsetýimiz kerek.

Bıyl meniń jasym 85-ke tolǵaly otyr. Qazaqtyń basynan ótken nebir tarıhı oqıǵalarǵa men óz kózimmen kýá boldym. Jaqsylyqty da, jamandyqty da qatar kórdim. Bir túıgenim – bir jaǵadan bas, bir jeńnen qol shyǵarǵanda ǵana jeńis keledi. Sonda ǵana jaǵdaı ońalady. Basymyz aman, baýyrymyz bútin bolsyn. Aman bolaıyq, aınalaıyndar!

Núketaı MYShBAEVA,

Qazaqstannyń halyq ártisi

ALMATY

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Uqsas jańalyqtar