Aımaqtar • 28 Sáýir, 2020

Almaty ekonomıkasyn qalpyna keltirýdiń ekinshi kezeńi bastaldy

116 retkórsetildi

Erteden qara keshke deıin tirshiligi qyz-qyz qaınap jatatyn Almaty karantın kezinde bir jaqsylyp tynys aldy. Endi qalaıda qalypty ómirge kóshýdiń qamyn jasaý qajet-aq. Alyp megapolıste ekonomıkanyń birqatar salalaryn qalpyna keltirýdiń ekinshi kezeńi bastaldy. Kóptiń kókeıinde júrgen ózekti saýaldardyń jaýabyn qala ákiminiń orynbasary Saparbek Tuıaqbaev aıtyp berdi.

Rasynda, jylt etken ár aqparatqa eleńdep otyrǵan qalyń buqarany mazalaǵan másele kóp. Qaýip tolyq seıildi demesek te, indettiń beti beri qarady degen saryndaǵy aqparattar el úmitin qaıta tutata bastady.  Degenmen kóńilge uıalaǵan kúmán-kúdik te joq emes. Indetten ábden seskenip qalǵan turǵyndar burynǵydaı kóshede emin-erkin júre almaıtynyn anyq túsinedi. Onyń ústine aıdaı álemge azýyn kórsetip daǵdarys kele jatyr degen sóz taǵy da erkin tynystaýǵa erik bermeıtindeı. Sonymen qalypty ómirge qadam basýdyń ekinshi kezeńine bet alǵan Almatyda qandaı ózgerister bolady?

Buǵan deıin megapolıste kóptegen  salalar shekteýli rejimde jumys istep kelgeni belgili. Olardyń qatarynda kólik, qoıma, aqparattyq jáne kommýnıkasııalyq tehnologııalar salalary bar. Ákim orynbasarynyń sózinshe, bul sektorlar tolyǵymen jumysyn qaıta bastaıdy. Tek sanıtarlyq talaptardy tolyqtaı saqtaý qatań qadaǵalanady. Aldaǵy eki aptada 90 myńǵa tarta azamat óz jumysyna kirisedi dep kútilýde.

– 50%-ǵa deıin qarjy sektoryna ruqsat beriledi. Onyń ishinde ekinshi deńgeıli bankter, mıkroqarjy uıymdary, saqtandyrý kompanııalary, brokerlik uıymdar jáne lombardtar, aqsha aıyrbastaý pýnkterin qospaǵanda. «Lombardtarǵa tutynýshylardy qabyldaýsyz, tek ýákiletti organda eseptik tirkeýden ótýge ruqsat beriledi. Sondaı-aq, bızneske arnalǵan kásibı qyzmet kóresetý salasynda: konsaltıngtik qyzmeter, aýdıt, býhgalterlik, zańgerlik. Bul sektorda kompanııa qyzmetkerleriniń 50% -na deıin jumys isteýge bolady. Sonymen qatar, taýarlardy úılerine jetkizip beretin kompanııalarǵa ruqsat bar» dedi Saparbek Tuıaqbaev.

Sonymen qatar kólik jóndeý oryndary (kólik jýý, dóńgelek aıyrbastaý) orgtehnıka men turmystyq tehnıkany jóndeıtin ortalyqtar, jarnama agenttikteri jumysyn bastaıdy. Avtokólik satý oryndarynyń tehnıkalyq qyzmet kórsetýine de shekteý qoıylǵan joq. Kólik jýý jáne avtosalondar aldyn ala jazylý boıynsha jumys isteýi kerek.

Almatyda jumys isteıtin 200 myńǵa jýyq azamat qaladan tysqary aýmaqta turatynyn eskersek, shahar qaqpalaryna qoıylǵan blok-beketterdiń jaıy ne bolmaq degen zańdy suraq týyndaıdy. Tuıaqbaevtyń sózinshe, mundaı beketter karantın tolyq aıaqtalǵansha tura beredi.

– Sondyqtan kásipkerlerdiń oblysta turatyn jumysshylarǵa senim artpaǵandary durys. Bul jumystarǵa ázirshe almatylyqtardy tartqandary abzal. Saýda, qyzmet kórsetý, qurylys jáne ónerkásip salalary boıynsha biz jeke kompanııalarmen birigip kadrlardy qaıta daıarlaýdy júrgizemiz. Eger mamandar jetispeýshiligine qatysty máseleler týyndasa, bizben habarlasyńyz, biz ár faktini zerttep, siz úshin kadrlardy daıyndaımyz. Qalada jumyssyz júrgender kóp, – deıdi Saparbek Tuıaqbaev.

Mamandardy jedel qaıta daıarlaýdyń jańa baǵdarlamasy iske asyp jatqanyn habarlaǵan ákim orynbasarynyń bul sózi qanshalyqty qısynǵa keletinin ýaqyt kórseter. Qala tirshiligin qamtamasyz etip otyrǵan qanshama bilikti maman jumystan qaǵylady deý de ádiletti sheshim dep aıta almaısyz. Búgingi tańda shahardaǵy  394 kásiporynnyń 306-sy jumys isteýge ruqsat alǵan.

Sońǵy jańalyqtar

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Jyr-dastandar – jańa formatta

О́ner • Búgin, 07:20

Sýret. О́zgeris. Qubylys

Rýhanııat • Búgin, 07:17

Baqyttyń berik bosaǵasy

Rýhanııat • Búgin, 07:13

Jańatastyq jas sheberler

Aımaqtar • Búgin, 07:09

Júıeli jumys jeńiske jetkizedi

Aımaqtar • Búgin, 07:08

Iz qaldyrǵan iri tulǵa

Qoǵam • Búgin, 07:06

Qosaevtar áýletiniń qasireti

Rýhanııat • Búgin, 06:56

Ǵasyr zulmaty

Qoǵam • Búgin, 06:55

Oqý ortalyqtary ońdy ma?

Bilim • Búgin, 06:45

Uqsas jańalyqtar