1969-1989 jyldar aralyǵynda «Mılýokı Baks» pen «Los-Andjeles Leıkerstiń» namysyn qorǵaǵan Kárim-Abdýl Djabbar 1 560 oıyn ótkizip, 38 387 upaı oljalady. 42 jasqa deıin alańda atoı salǵan ol ár kezdesýde orta eseppen 24,6 upaıdan enshiledi. Kárim-Abdýldyń boıy – 218 santımetr, salmaǵy – 121 kılo.
Bul tizimde Karl Meloýn ekinshi orynda tur. 1985-2004 jyldar aralyǵynda óner kórsetken aıtýly basketbolshynyń qorjynynda 36 928 upaı bar. Alaıda Meloýn 2004 jyly sporttyq karerasyn aıaqtaǵandyqtan, onyń Djabbarǵa básekeles bola almaıtyny anyq edi.
Úshinshi orynda – Lebron Djeıms. Dáp osy oıynshynyń Djabbardy qýyp jetýge jaqsy múmkindigi bar. О́tken jyldyń sońynda 35 jasqa tolǵan «Los-Andjeles Leıkerstiń» shabýylshysy ázirge 34 092 upaı oljalady. О́ziniń dańqty otandasyn qýyp jetý úshin oǵan áli 4 295 upaı jııý kerek. Qazirgi kezde Djeıms ár báseke barysynda orta eseppen 27,1 upaıǵa ıelik etýde. Eger osy qarqynyn báseńdetpese, Lebron shamamen 170 kezdesýden keıin Kárim-Abdýldyń rekordyn jańartýy múmkin. Búgingi tańda barlyq býkmekerlik keńseler «Djeıms Djabbardan oza ma?» degen saýalǵa bas qatyryp, barsha jankúıerdi báske aqsha tigýge úgitteýde.
Sondaı-aq UBQ-nyń eń nátıjeli «TOP-10» oıynshysynyń tizimine myna basketbolshylar enip otyr: Kobı Braıant (33 643 upaı), Maıkl Djordan (32 292), Dırk Novıskı (31 560), Ýılt Chemberlen (31 419), Shakıl O’Nıl (28 596), Mozes Meloýn (27 409) jáne Elvın Heız (27 313). Bul oıynshylardyń barlyǵy da sporttyq kareralaryn áldeqashan aıaqtaǵan. Sondyqtan Kárim-Abdýl Djabbardyń kórsetkishi ázirshe úzdik bolyp qala bermek.
