Aımaqtar • 28 Sáýir, 2020

Jemqorlar azaıar emes...

580 retkórsetildi

Sybaılas jemqorlyqqa qarsy is-qımyl agenttiginiń Jambyl oblysy bo­ıynsha departamenti basshysy Ádilhan Áshirbaev ótken jyly sybaılas jemqorlyqqa qarsy 11 monıtorıng júrgizilgenin málimdedi.

Monıtorıngterdiń nátıjesi bo­ıynsha 26 usynys berilip, sybaı­las jemqorlyqty anyqtaý maq­satynda 17 memlekettik organ men kvazımemlekettik sektor sýbek­tileriniń qyzmetine taldaý júrgizilip, 47 usynys engizilgen. Máselen, Jambyl oblystyq aýyl sharýashylyǵy basqarmasyna júrgizil­gen taldaý nátı­jesinde birqatar sharýa­shylyq sýbektileri sýbsıdııa alý úshin usyn­ǵan ótinimderinde durys emes máli­metter kórsetip, sýbsıdııa alǵandyǵy anyq­talǵan. Búginde sýbsıdııa alǵan sharýashylyq sýbektilerinen 1 mıl­lıon teńge bıýdjetke keri qaı­tarylǵan. Al sybaılas jemqorlyq sıpatynda qylmys jasaǵany úshin jaýapkershilikke tartylǵan 9 tulǵa qyzmetinen bosatylǵan. Alaıda olar osy ýaqytqa deıin memlekettik mekemeler men kásiporyndarda basshylyq laýa­zymda bolǵan.

«Eńbek jáne sybaılas jemqor­lyq zańnamasyn saqtaý boıynsha monıtorıng bıyl da júrgi­zilip, kvazı­memlekettik sektor sýbek­tilerinde basshylyq laýazymdaǵy 8 tulǵanyń buryn sybaılas jemqorlyq qyl­mys jasaǵandyǵy anyqtalyp otyr», deıdi Ádilhan Áshirbaev. Má­selen, «Qyzmet ókilettigin teris paı­dalaný», «Qyzmettik jalǵandyq jasaý», «Qyz­mettegi áreketsizdik» sııaqty Qyl­mystyq kodekstiń birneshe baptary boıynsha sotty bolǵan tulǵa qazir memlekettik úlesi bar «Jasyl El-Taraz» jaýapkershiligi shekteýli serik­testiginiń dırektory bolyp jumys isteıdi eken.

Búgingi tańda jergilikti atqarýshy organdardyń basqarmalary men bólimderine baǵynysty 900 mekeme óz bıýdjetterin engizip, jarııalaǵan. Sonymen qatar óńirde elimizdiń Sybaılas jemqorlyqqa qarsy is-qımyl agenttigimen «Bıznesti jáne ınvestısııalardy qorǵaý» jobasy júzege asyrylýda. Oblysta jergilikti jáne sheteldik ınves­torlarmen birge 372 mıllıard teńgeni quraıtyn 30 keli­simge qol qoıylyp, jobany is­ke asyrý ýaqytynda 21 ótinish túsken. Alaıda departament bergen máli­metke súıensek, oblysta sybaılas jem­qorlyq quqyqbuzýshylyqtaryn anyq­taý jáne tergeý baǵytyndaǵy jumys­tardyń nátıjesi ótken kezeń­men jáne ortasha respýblıkalyq kór­setkishtermen salystyrǵanda ósken. О́tken jyly sotqa 70 is joldanyp, sy­baılas jemqorlyq sıpatyndaǵy qylmys jasaǵany úshin 90 tulǵa qylmystyq jaýaptylyqqa tartylǵan. Sondaı-aq ótken jyly 1,2 mıllıard teńge kóleminde zalal anyqtalsa, bú­ginde onyń 930 mıllıon teńgesi óndirilgen.

Jalpy, júıeli sybaılas jem­qorlyq derekteri 5-7 paıyzǵa, shaǵyn jáne orta bıznes jumysyna ara­lasý 16-20 paıyzǵa, memlekettik baǵdar­lamalar aıasynda bólingen qara­jatty urlaý 11-17 paıyzǵa deıin ulǵaıǵan.  Memlekettik organdardyń arasynda sybaılas jemqorlyq sıpatynda jasalǵan qylmystar úshin atqarýshy organdardyń laýazymdy adamdaryna qatysty 56 qylmystyq is qozǵalǵan. Onyń ishinde bilim, densaýlyq saqtaý, aýylsharýashylyq, qurylys, mádenıet jáne taǵy da basqa úlken salalar bar. Odan keıin ishki ister organdarynyń qyzmetkerlerine qatysty 29 qylmystyq is bolǵan. Al aǵymdaǵy jyldyń úsh aıynda 27 qylmystyq is sotqa joldanyp, sybaılas jemqorlyq sıpatyndaǵy qylmys jasaǵany úshin 28 tulǵa qylmystyq jaýapkershilikke tartylǵan. Eseptik kezeńde 236,7 mıllıon teńge kóleminde zalal keltirilgen bolsa, onyń 80,8 mıllıon teńgesi óndirilip, 122,3 mıllıon teńge kólemindegi múlikke tyıym salynǵan.

 

Jambyl oblysy

 

Sońǵy jańalyqtar

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar