Salyqtyq demalys – mańyzdy qadam

Bul qarajattyń belgili dárejede ulǵaıǵanyn kórip otyr­myz. О́tken joly daǵda­rysqa qarsy qoldaý sharalaryna arnalǵan paket kólemi 4,4 trln teńge bolǵan edi. Demek, belgili bir dárejede bul qarajat aldaǵy ýaqytta da óse beretinin kórip otyrmyz. Buǵan qosa búginde 4 mln 250 myń azamatqa qar­jylaı kómek kórsetildi. Kó­mektiń bul túri de aldaǵy ýa­qytta arta beredi degen se­nim­demiz.

Jalpy, eldegi tabysynan ýaqytsha aıyrylǵan azamattardy qoldaýǵa shamamen 400 mlrd teńge qarajat bólip otyr. Shyndyǵyna kelgende múlde tabys kózinsiz qalǵan otbasy úshin 42 500 teńge de qajet qarajat. Tótenshe jaǵdaı kezinde memlekettiń eko­nomıkany qoldaý shara­la­rynyń ishinde shaǵyn jáne orta kásipkerlikti qoldaýǵa baǵyttalǵan bastamalardy, ási­rese salyqtyq demalys jarııa­laýdyń mańyzdy qadam bol­ǵanyn aıta ketý kerek. So­nymen qatar Eń­bek­aqy qory­na qazan aıyna deıin tólem jasamaý týraly qabyl­danǵan she­shim asa oryndy. Endi ju­mys berýshiler osyndaı je­ńildikterdi paıdalanyp, óz jumysshylaryn qys­qart­paýǵa áreket jasaıdy. Bul belgili bir dárejede ju­myssyzdyqtyń aldyn alý qadamy dep qabyldaǵanymyz durys. Buǵan qosa aýyl sha­­rýa­shylyǵy salasyn qol­daýǵa 200 mlrd teńge bó­lindi. Al­dyn ala baǵasy esep­telinip, fermerlerdiń qansha ónim kólemin beretinin, onyń qandaı baǵada satyp alynatynyn anyqtaıtyn kelisim jasaldy. Bul erteńgi kúni azyq-túlik ónimderiniń ba­ǵasyn turaqtandyrýǵa negiz bolatyn bastama bolmaq. Osy bólingen qomaqty qa­ra­jattyń tıynyna deıin qajetti sharýanyń, rasymen muqtaj azamattardyń qolyna jetýi endigi mańyzdy mindet. Bul joly barmaq bas­ty, kóz qysty áreketterge jol berýge bolmaıdy.

Maqsat HALYQ,

GSB UIB bıznesti taldaý ortalyǵynyń sarapshysy, ekonomıst