Aımaqtar • 28 Sáýir, 2020

Batys Qazaqstan oblysy: 5 adamǵa 928 750 teńge syıaqy

34 retkórsetildi

Batys Qazaqstan oblysynda bıylǵy úsh aıda sybaılas jemqorlyq faktisi týraly habarlaǵan nemese sybaılas jemqorlyqqa qarsy kúres sharalaryna járdemdesken azamattardy kótermeleý úshin 5 adamǵa 928 750 teńge syıaqy tólengen.

Qazir elimizde sybaılas jemqorlyqpen kúres máselesinde barlyq ádis-amal qoldanylyp jatyr. Sonyń biri – jemqorlyq oqıǵasy týraly habarlaǵan nemese sybaılas jemqorlyqqa qarsy is-qımylǵa túrli jolmen járdem kórsetken azamattardy kótermeleý.

-Bıylǵy brinshi toqsanda 5 azamat qarjylaı kótermeleýge ıe boldy. Onyń úsheýi ishki ister organdarynda sybaılas jemqorlyq faktisi týraly habarlasa, qalǵan ekeýi – kvazımemlekettik sektordaǵy zań buzýshylyqty áshkerelep bergen, - deıdi Batys Qazaqstan oblysy boıynsha Sybaılas jemqorlyqqa qarsy qyzmetiniń baspasóz qyzmeti.

Sybaılas jemqorlyqqa qarsy kúreske úles qosatyn belsendi azamattardy kótermeleý elimizde 2015 jyldyń sońynda qabyldanǵan Úkimet qaýlysyna sáıkes júrgizilip keledi. Mysaly, sybaılas jemqorlyq quqyq buzýshylyqtar týraly ákimshilik ister boıynsha – 30 aılyq eseptik kórsetkish kóleminen bastalatyn syıaqy mólsheri asa aýyr sybaılas jemqorlyq qylmystar týraly qylmystyq ister boıynsha derek bergen azamattarǵa - 100 aılyq eseptik kórsetkishke deıin ósedi. Al para nemese keltirilgen zalal somasy bir myń AEK-ten asatyn qylmystar boıynsha birjolǵy aqshalaı syıaqy keltirilgen zalaldyń on paıyzyn quraıdy.

 

Batys Qazaqstan

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar