Degenmen, búginde koronavırýs qutyrynyp turǵan Temirtaý qalasynda áli de qatań sharalar saqtalady. Munda sanıtarlyq normalardy saqtaı otyryp, tek qurylys nysandary, tehnıkalyq qyzmet stansasy (TQS),, shınomontaj sheberhanalary, avtojýý oryndaryna ǵana jumys isteýge ruqsat aldy.
Qanat Asqarov Qaraǵandy oblysynyń basqa qalalary men aýdandarynda turǵyndarǵa saıajaı ýchaskelerine barýyna múmkindik berilgenin jetkizdi. Sondaı-aq, qoǵamdyq kólikter qaıta jumysyn bastaıdy. О́nerkásiptik kásiporyndaryna jáne basqa da birqatar qyzmet kórsetý nysandarynyń qyzmetine ruqsat berildi.
Buǵan qosa, advokattyq keńselerge, notarıýstarǵa, TQS, shınomontaj sheberhanalaryna, kólik jýý oryndaryna, ekinshi deńgeıli bankterge jáne HQKO jumys isteýge ruqsat etildi.
Aýyl sharýashylyq tehnıkasyn, jabdyqtardy kóterme saýdamen satý qaıta iske qosyldy. Tuqym, kóshetter jáne basqa da materıaldardy satý jónindegi mamandandyrylǵan dúkenderge jáne bólimderge jumys isteı bastaıdy.
Saýda núktelerin ashpaı, tek jetkizý rejıminde turmystyq tehnıka men elektr jabdyqtaryn, janýarlarǵa arnalǵan taýarlardy, turmystyq hımııany, qosalqy bólshekter men shyǵyn materıaldaryn satýǵa ruqsat etiledi.
Bas sanıtarlyq dáriger jumysty jańartatyn barlyq kásiporyndar sanıtarlyq-epıdemıologııalyq talaptardy qatań saqtaı otyryp, aldyn ala jazylý arqyly ǵana qyzmet kórsetýi tıis ekendigin eskertti.
Kámelettik jasqa tolmaǵan balalardyń eresektersiz júrýine bolmaıdy. Otbasy múshelerin qospaǵanda, besten asa adamnyń jınalýyna, saıabaqtar men gúlzarlar aýmaǵynda serýendeýge tyıym salynady.
Sondaı-aq, Qanat Asqarov tótenshe jaǵdaı kezinde qoǵamdyq qaýipsizdikti jáne karantındik rejımdi qamtamasyz etý úshin ata-analar kúninde zırat basyna barmaýdy usyndy.
– Osy jeńildikterge túsinistikpen qaraýdy suraımyn. Indetti juqtyrý qaýpi áli de joǵary. Sondyqtan saqtyqty joǵaltpaý kerek. Qazirgi epıdemıologııalyq jaǵdaıda qaýipsizdiktiń negizgi sharty áleýmettik qashyqtyqty, jeke gıgıena erejelerin qatań saqtaý. Sondaı-aq, jumys istep turǵan nysandarda dezınfeksııalyq rejımdi saqtaýdyń mańyzyn umytpaǵan jón. Karantındik rejımniń oryndalýyn baqylaý sharalary jalǵasady, – dedi Qaraǵandy oblysynyń bas memlekettik sanıtarlyq dárigeri.
Qaraǵandy oblysy
