Qoǵam • 28 Sáýir, 2020

Ymyrasy joqtyń yntymaǵy bolmaıdy

74 retkórsetildi

Eldikti oılap, eńseli bolýdy murat tutqan azamattyń paryzy – nebary shırek ǵasyrda jas Qazaqstan memleketin álemge tanytqan Tuńǵysh Prezıdentimiz Nursultan Ábishuly Nazarbaev saıasatyna qoldaý kórsetý bolýy kerek.  Eldik murattyń bastaýynda elimen etene Elbasynyń senimdi serikteri men qoldaýshylary júrgenin búgingi tarıhı dáýir ekshep úlgerdi.

Qazaq halqy – taǵdyry talaıly halyq. Álimsaqtan keńpeıildilik pen meıirbandyqty janyna serik etken baba dástúri búgingi kúnge deıin úzilgen joq. Bul – muratty muragerlerdiń amanatqa adaldyǵy. 

Birtutas Qazaqstan memleketi Táýelsizdik jyldarynda da nebir tarıhı oqıǵalardyń kýási bolyp, dáýirlerdiń tamasha úlgisin tanytty jahanǵa. Daǵdarys bolǵanyn jasyrý múmkin emes. Alaıda, bizdiń álemdik arenadaǵy eń basty artyqshylyǵymyz – tolqý bolǵan joq. Ulttar men ulystar arasyndaǵy berik yntymaq pen myzǵymas dostyq bizdiń eldiń tarıhı qundylyǵyna aınaldy.

Dáýir tynysy kórsetip otyrǵandaı, bolmashy qarjy daǵdarysyn eńsere almaı, eseńgirep qalǵan kórshilerimiz bar. Olardyń osaldyǵy sol – ishki ymyrasynyń joqtyǵy. Aýyzbirlik  kemshin túsken jerde kemeldený turmaq, kóshke úlesý múmkin emes ekendigin álemdi aýzyna qaratyp, alty qurlyqtyń tańdaıyn qaqtyrǵan «Nazarbaev nusqasy» áldeqashan dáleldep bergen.

Ol árıne, Elbasynyń bastamasymen ómirge kelgen, asqaq murattar alańyna aınalǵan Qazaqstan halqy Assambleıasy. Mundaı ınstıtýt álemniń bir memleketiniń damý úrdisinde bolǵan emes. Birjaqty ekonomıkalyq baǵyt ustanyp, tarıhtyń urymtal sátterindegi syn men qaterlerge tótep bere almaı jatqan elderdegi daǵdarys bizdiń danalyqty qazyq etken dara damýymyzdy aınalyp ótkenin kózimiz kórip otyr. Bul qalaı múmkin boldy? Tarıh teperishimen Qazaqstan azamatyna aınalǵan ózge ultttar men ulystardyń ókilderi bir otbasynyń múshelerindeı ortaq múddege jumylý arqyly syndarly sátten súrinbeı ótti. Olardyń óz tilderi men mádenıetin, ulttyq qundylyqtaryn dáripteýge eshqandaı kedergi bolǵan joq. Kerisinshe, memleket tarapynan qoldaý kórsetilip, granttar bólý arqyly ultaralyq tatýlyqty nasıhattaıtyn aýqymdy jobalar júzege asyryldy. Osynyń barlyǵy – Elbasy saıasatynyń kóshbastar kóregendiligi edi.

Meniń týǵan tuǵyrym Saryarqa – elimizdiń ındýstrııaldy  júregi ǵana emes, júzdegen ulttyń tatý-tátti tirligi men birligi saltanat qurǵan altyn besik. Ulan-ǵaıyr aýmaǵyna saı keńpeıildi halqy bar. Osy bir qunarly da, kıeli topyraqty alýan ult pen ulys ókilderi qasıetti Otany sanaıdy. Taǵdyry Saryarqamen tamyrlasqan qazaqstandyqtardyń ortaq múddesi orasan ıgiliktiń bastaýyna aınalyp, ortaq maqsattar tóńiregine toptasty. Elbasynyń eńbek Otany, kóshbasshylyq qadamdarynyń bastaýy bolǵan Qaraǵandy óńirindegi óreli isterdi jalǵastyrýda el tizginin berik ustaǵan azamattar arasynda da birneshe ult ókilderi bar. Búgingideı elimizdi alańdatyp, indet tarap turǵan ýaqytta jumylyp judyryq bolyp, olardyń barlyǵy – qaraqan basynyń qamy úshin emes, qaraormandaı qazaqstandyqtardyń ortaq taǵdyry úshin alańdaýly. «Bir jeńnen – qol, bir jaǵadan – bas shyǵara» yntymaqtasqan múddelester, qıyndyqty birge eńserip, tatýlyqty saqtap,  el yrysyn  eseleý jolynda aıanbaı eńbek etýde. Deni – meniń ortaq istegi senimdi serikterim.

Saryarqa tósindegi etnos ókilderiniń basym bóligi – keńestik júıeniń solaqaı saıasaty saldarynan tarıhı otanyna aýa kóshkender. Sanalaryndaǵy saǵynysh salmaǵyn, júrekterindegi óz otanyna degen sezimderin Saryarqadaǵy saltanaty jarasqan jaıdary tirlikke jeńdirgen. Keshegi solaqaı saıasattyń salqynyn búgingi kemel kóshbasshylyqtyń kósheli úlgisi yǵystyrǵan. Olardyń kóbimen dospyn. Syrlasamyz, ortaq pikirge toqaılasqan sátterimiz de jeterlik. Sol sátterde meniń keýdemde maqtanysh sezimi kerneıdi. Biz birgemiz!

Barsha qazaqstandyqtardy 1 mamyr – Qazaqstan halqynyń birligi kúnimen quttyqtaımyn. El irgesi sógilmeı, birligimiz bekem, arman-maqsattarymyz oryndalǵaı!

2

 

Bekzat ALTYNBEKOV,

Qaraǵandy oblysy QHA tóraǵasynyń orynbasary,

Qaraǵandy oblysy Qoǵamdyq kelisim keńesiniń tóraǵasy

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar