Qýanyshtysy, oblysta suranysqa saı azyq-túlik qory jetkilikti. Qazir óńirde 193,1 myń tonna azyq-túlik qoımada saqtaýly tuorǵan kórinedi. El-jurtty qajetti taýarmen qamtýda oblystyń turaqtandyrý qorynan qarajat jetkilikti bólinip otyr. Osy aıda jalpy quny 26,8 mln teńge bolatyn 121,7 tonna taýar alynǵan. Onyń ishinde 94 tonna bıdaı uny, 27,7 tonna qant ákelindi.
Jalpy .ımaqta azyq-túliktiń 19 túrinen turatyn áleýmettik mańyzdy taýarlar baǵasynyń ósýine jol bermeý maqsatynda naqty is júzege asýda. Kásipkerlik jáne ındýstrıaldy-ınnovasııalyq damý basqarmasynyń habarlaýynsha, oblys ákiminiń tapsyrmasymen halyqty azyq-túlikpen jáne birinshi kezektegi qajettiliktermen úzdiksiz qamtamasyz etý úshin bıýdjetten qosymsha 2 mlrd teńge bólingen. Sonyń 1 mlrd teńgesi áleýmettik mańyzdaǵy azyq-túlik taýarlaryn satyp alý ıntervensııasyn júrgizýge, taǵy 1 mlrd teńgesi kásipkerlik sýbektilerine zaımdar berý úshin qarastyrylǵan eken. Bólingen qarjyǵa qosymsha 5,9 myń tonna un, 100 tonna kúrish, 20 tonna jarma ónimderi, 5 myń lıtr kúnbaǵys maıy, 1000 tonna qant, 200 tonna kartop, 100 tonna pııaz ben 1 tonna tuz satyp alý josparlanyp otyr.
Almaty oblysy
