Úkimet • 28 Sáýir, 2020

Qazaqstan azyq-túlik qaýipsizdigin qamtamasyz etýdiń jańa kezeńine ótedi — A. Mamın

8 retkórsetildi

Premer-Mınıstr Asqar Mamınniń tóraǵalyǵymen ótken Úkimettiń selektorlyq otyrysynda azyq-túlik qaýipsizdigin qamtamasyz etý jáne taýar súıemeldeý júıesin qurý máseleleri qaraldy. Bul týraly Premer-Mınıstrdiń baspasóz qyzmeti habarlady.

Jobany iske asyrý jospary týraly saýda jáne ıntegrasııa mınıstri B. Sultanov, aýyl sharýashylyǵy mınıstri S. Omarov, Túrkistan oblysynyń ákimi О́. Shókeev, Almaty oblysynyń ákimi  A. Batalov jáne Pavlodar oblysynyń ákimi Á. Sqaqov baıandady.

Qazaqstan ulttyq taýar ótkizý jelisin — kóterme-taratý ortalyqtary keshenin (KTO) qurý arqyly azyq-túlik qaýipsizdigin qamtamasyz etý men baǵany baqylaýdyń jańa deńgeıine ótedi. Osyǵan uqsas júıeler damyǵan elderde sátti jumys istep tur, Fransııa, Ispanııa jáne basqa da memleketterdiń tájirıbesi egjeı-tegjeıli zerdelendi.

Ulttyq taýar ótkizý júıesin qurý jobasy 2022 jylǵa deıin úsh kezeńde iske asyrylady jáne 24-ten asa kóterme-taratý ortalyǵy salynady. Bul shamamen 4,8 mln tonna agroónimdi saqtaýǵa, óńdeý men taratýǵa múmkindik beredi. Jasalyp jatqan ınfraqurylym jınalǵan jemis-kókónis ónimderiniń tolyq saqtalýyn qamtamasyz etýge jáne shyǵyndy azaıtýǵa jol ashady. Sonyń nátıjesinde aýyl sharýashylyǵy taýaryn óndirýshilerdi óz óndirisin ulǵaıtýǵa yntalandyrady. Búgingi tańda jemis-kókónis qoımalarynyń tapshylyǵy 70% quraıdy.

Bıyl Pavlodar, Almaty jáne Túrkistan oblystarynda 5 kóterme-taratý ortalyǵy iske qosylady, bul qosymsha 600 myń tonna aýyl sharýashylyǵy ónimin saqtaýǵa múmkindik beredi.

Úkimet basshysy barlyq óńirlerde damyǵan kóterme-taratý ortalyqtary jelisiniń bolýy maýsymaralyq kezeńdegi azyq-túlik tapshylyǵy máselesin de sheshetinin, naryqta ónim jetkilikti bolsa, onyń baǵasy da óspeıtinin atap ótti. Sonymen qatar, naqty qurylǵan taýardy ótkizý jelisi qajetsiz deldaldardy shekteı otyryp, sıfrlyq tehnologııalardy engizý arqyly árbir kezeńde qosylatyn baǵany baqylaýǵa jol ashady.

«Kóterme-taratý ortalyqtaryn iske qosqanda birinshi kezeńniń ózinde baǵa belgileýdiń ashyqtyǵy men jańa tıimdi saýda mehanızmderiniń arqasynda biz agrarlyq ónim baǵasy 25%-ǵa deıin tómendeıdi dep boljap otyrmyz», — dedi A. Mamın.

О́ńirlerdiń ákimdikterine kóterme-taratý ortalyqtaryna jer ýchaskelerin bólip, olarǵa qajetti ınfraqurylymdy júrgizý, sondaı-aq jańa óndiristerdi qurýǵa jeke sektordy tartý men keńeıtý múmkindigin qarastyrý tapsyryldy.  

Sońǵy jańalyqtar

Jigittiń jaqsysy

Rýhanııat • Búgin, 16:21

Qylmystyq top qarajatty ofshorǵa aýdarǵan

Ekonomıka • Búgin, 15:50

Erık Kantona kósh bastap tur

Aımaqtar • Búgin, 15:16

Almatyda HQO-lar jumysyn qaıta bastady

Aımaqtar • Búgin, 13:00

Kooperatıv kópke kerek

Aımaqtar • Búgin, 10:39

Nur-Sultanda eki jańa kópir ashylady

Aımaqtar • Búgin, 09:57

Joldybaıdaǵy jol jóndelmeı tur

Aımaqtar • Búgin, 09:49

Uqsas jańalyqtar