Nur Otan partııasy Sarysý aýdandyq fılıalynyń belsendi músheleri men aýdannan shyqqan jomart júrekti azamattardan eriktiler toby qurylyp, olar aýdandaǵy áleýmettik kómekke muqtaj jandarǵa qajetti azyq-túlik salynǵan paketterdi tegin taratýda. Jergilikti azamattardyń bul bastamasyna turǵyndar da dán rıza. Kómekke muqtaj jandarǵa kómek bergenderdiń qatarynda Saǵynbek Begeev, Dosbol Jylqybaev, Baıman Álkeev, Jeńis Toǵyzaqbaev, Ǵanı Ryspanov, Murat Tólepbekov, Meıirjan Hanseıitov jáne Farhat Shaıymqulov sekildi azamattar bar. Sonymen qatar, ıgi bastamaǵa «Qarataý» TKО́K, «Altyn Orda» JShS, «Jańatas jel elektr stansııasy» JShS jáne «Aýdannyń isker áıelderi» uıymy da ózindik úlesin qosyp, qoldaý bildirdi.
Qaıyrymdylyq aksııasy aıasynda barlyǵy 7 mıllıon 684 myń teńgege 535 otbasyna járdem berilgen. Sondaı-aq, eriktiler aýyldarda 21 tigin ornyn uıymdastyryp, búginde 13800 betperde taratylǵan. Sarysý aýdandyq ákimdiginiń málimetinshe, 4500-ge jýyq betperde aýdandyq jedel shtabtyń qorynda tur eken.
Jambyl oblysy
