Álem • 28 Sáýir, 2020

Qazaq balalary álem jetkinshekterimen qosylyp án shyrqady

312 retkórsetildi

Nur-Sultan qalasyndaǵy Halyqaralyq mekteptiń oqýshylary Aldııar Týmashınov pen Abýlhaır Qýanysh Ankaradaǵy bas Iýnýs Emre atyndaǵy túrik mádenıet ortalyǵy uıymdastyrǵan 23 sáýirdegi Ulttyq egemendik jáne balalar merekesin atap ótýge qatysty. Bıylǵy jyly osynaý dástúrli merekeniń ereksheligi – Túrkııa Parlamentiniń 100 jyldyq mereıtoıymen tuspa-tus kelýinde bolyp otyr.

Aıryqsha mereke bıyl bes qurlyqtan 100-den astam balanyń basyn qosqan onlaın konferensııa formatynda ótkizildi. Onlaın translıasııany bir sátte Túrkııa jáne Ázirbaıjan elderiniń Bilim mınıstrleri, 50 eldiń ókiletti elshileri, sondaı-aq, álemniń túkpir-túkpirinen 150 myńǵa jýyq kórermen tamashalady.

Halyqaralyq mekteptiń 4 «A»  synyp oqýshylary Aldııar Týmashınov pen Abýlhaır Qýanysh 23 eldiń balalarymen qosylyp «Hayat Bayram Olsa» atty túrik ánin shyrqady.

Osy oraıda elordamyzdyń tórinde otyryp, kúlli álemge tebirene án shyrqaǵan zııatkerlerimiz qýanyshymen bólisip, pikir bildirgen edi:

– Merekege oraı álemniń ár elindegi ózimiz sekildi balalarmen án aıtý týraly usynys túskende qatty qýandym. Birden kelisimimdi berdim. Túrik tili qazaq tiline uqsas bolǵandyqtan, ánniń mátini esh qıyndyq týǵyzǵan joq. Ári burynnan tanys ánimizdiń sátti shyǵatynyna kámil sendim. Kóptegen memlekettiń balalary onlaın konferensııada bas qosady, Qazaqstanymyzdyń bir nyshany baıqalyp tursyn dep ulttyq naqyshtaǵy keýdeshemdi kıip aldym, – deıdi Aldııar Týmashınov.

Al Abýlhaır Qýanyshtyń aıtýynsha, mundaı álemdik deńgeıdegi úlken sharaǵa qatysý – shattyq syılap qana qoımaıdy, jaýapkershilikti de talap etedi:

– Onlaın ótetin konferensııaǵa úlken jaýapkershilikpen daıyndaldym. Ánniń sózin birneshe márte qaıtalap, mýzykasyna salyp shyrqap ta kórdim. Sonymen qatar, qatysýshy retinde ózimdi qalaı tanystyratynymdy oılastyrdym. Janyma egemendigimiz ben tutastyǵymyzdyń sımvoly kók týymyzdy qoıyp, kúsh-qýat alǵandaı boldym. Nátıjesinde, ándi bárimiz birge sátti shyrqap, balalar merekesin atap ótýge úlesimizdi qostyq, – deıdi zııatker.

Bul Halyqaralyq mekteptiń Nur-Sultan qalasyndaǵy Iýnýs Emre atyndaǵy túrik mádenıet ortalyǵy uıymdastyrǵan aýqymdy sharalarǵa alǵash qatysýy emes. Sebebi, bilim ordasy buǵan deıin de Halyqaralyq bakalavrıat baǵdarlamasy aıasynda birlesip jumystar atqarǵan. Bul jóninde Halyqaralyq mekteptiń bastaýysh synyp muǵalimi Adııa Ývalıeva oı bólisken bolatyn:

– Iýnýs Emre ınstıtýtymen biz ótken jyldan beri baılanys jasap kelemiz. Byltyrǵy oqý jylynda Halyqaralyq bakalavrıat baǵdarlamasynyń «Álem halyqtarynyń salt-dástúrleri» ıýnıti boıynsha ınstıtýtqa balalarmen arnaıy baryp, túrik halqynyń mádenıetimen, ádet-ǵuryptarymen, tarıhymen tanysqan bolatynbyz. Balalardyń búginde álemdik deńgeıdegi sharalarǵa qatysyp, ózge eldiń tili men mádenıetin syılaýy, túptep kelgende mektep qabyrǵasynda beriletin tereń bilim men tárbıeniń nátıjesi ekendigi anyq. Bizdiń mektebimiz – joǵary adamgershilik qundylyqtary qalyptasqan, óz eliniń mádenıetin baǵalaı biletin jáne ózgelerdiń mádenıetin qurmetteıtin, ómir boıy bilim ala otyryp, álemdi órkendetýge úles qosýǵa daıyn, deni saý, zııatker, shyǵarmashyl, tabysty tulǵany tárbıeleý mıssııasyn qaltqysyz oryndap keledi dep senimmen aıta alamyn deıdi, – ustaz.

Nur-Sultan qalasyndaǵy Iýnýs Emre ınstıtýty túrik mádenıet ortalyǵynyń resmı bólimshesi bolyp tabylady. Búginde atalmysh ortalyqtyń shetelderde 50-ge tarta mádenı ınstıtýttary boı kótergen. Instıtýt bilim berý ortalyqtarynda túrik tilin úıretýmen qatar, ár eldegi mekteptermen, bilim oshaqtarymen akademııalyq yntymaqtastyq ornatyp, álemdik deńgeıdegi sharalardyń uıymdastyrylýyna muryndyq bolyp keledi. Ony dáleli – búgingi Ulttyq egemendik jáne balalar merekesi.

 

 

 

ALMATY

Sońǵy jańalyqtar

Portret (Úshtaǵan)

Ádebıet • Búgin, 08:51

Ár adam – jerdiń tutynýshysy

Ekologııa • Búgin, 08:48

Osyndaı elim bar!

Pikir • Búgin, 08:42

Ár eldiń óz damý joly bolady

Saıasat • Búgin, 08:40

Baılamy bekem bátýaly sóz

Saıasat • Búgin, 08:37

Keı óńirde vırýs órshı tústi

Koronavırýs • Búgin, 08:24

StopMusor ekologııalyq jobasy bastalady

Ekologııa • Búgin, 08:22

Toıymsyzdyq – tas joldyń sory

Qoǵam • Búgin, 08:14

«Meniń Týym» aksııasy ótti

Aımaqtar • Búgin, 08:09

Elimizdiń basty qundylyqtary

Saıasat • Búgin, 08:06

Sharalar qatań saqtalýy tıis

Tennıs • Búgin, 08:04

«Barys» – úzdikter qatarynda

Hokkeı • Búgin, 08:03

Ushty, ushty, shatyr ushty!..

Qoǵam • Búgin, 07:56

Yntymaqtastyq yrysymyzdy eseleıdi

Pikir • Búgin, 07:45

Almatyda aqyn kóp...

Ádebıet • Búgin, 07:44

«Aqbilek». Jan jarasy...

Ádebıet • Búgin, 07:42

Shuǵyla-nurdy betke alyp...

Rýhanııat • Búgin, 07:38

Abaıǵa arnalǵan músháıra

Abaı • Búgin, 07:36

Jalǵyz kompanııa Alataýdy ıgere ala ma?

Ekonomıka • Búgin, 07:28

Tarıh tarazysyndaǵy tórt jaıt

Tarıh • Búgin, 07:15

Salǵyrttyq san soqtyrmasyn

Qoǵam • Búgin, 07:10

Kósh basynda – Meıvezer

Kásipqoı boks • Búgin, 07:10

Eldik nyshandar tarıhy

Qazaqstan • Keshe

Uqsas jańalyqtar