Əskerı qyzmetshilerdiń aıtýynsha, dezınfeksııa júrgizý kezinde jaıaý júrginshiler jolynyń jıeginde jatqan qart er adamnyń jaraqat alǵanyn jəne qandy kórgen. Əskerıler shuǵyl alǵashqy medısınalyq kómek kórsetip, qan ketýin toqtatqan. REjBÁII baspasóz qyzmetiniń málimeti boıynsha, zardap shegýshi kóp qan joǵaltyp, der kezinde kórsetilgen kómektiń arqasynda aman qalǵan.
«Biz jaraqatty qolda bar zattarmen tańdyq. Tańǵysh matanyń ornyna belbeý qoldanyp, jedel-jərdem shaqyrdyq», - dedi əskerı-ınjenerlik ınstıtýtynyń 4 kýrs kýrsanty Dinmuhamed Altynbek.
«Sol kúni zeınetaqy alǵanmyn, qolymda aqsha salynǵan əmııanym boldy. Buzaqy menen aqsha surady, berýden bas tartqannan keıin pyshaqpen shyntaq býynynyń búgilgen jerine soqqy jasady. Balalar óz kómekteri men qosa qyraǵylyqtaryn kórsetti. Olar meniń jaraqatymdy baılap, qan toqtatyp, jedel járdem shaqyrdy. Men olarǵa sheksiz rızamyn. Olardyń ómiri men qyzmeti sətti bolsyn. Əskerılerdi kəsibı mamandar daıarlaıtynyna kózim jetti. Osyndaı jaýyngerler el qorǵany bolyp turǵanda biz tynysh ómir súre alamyz», - dedi Mergen Shymerbaev.
Esterińizge sala keteıik, Qazaqstan Qarýly Kúshteri əskerı qyzmetshileri úı-jaılar men nysandardy, qoǵamdyq oryndardy aýqymdy dezınfeksııalaý jumystaryn jalǵastyrýda. Almaty qalasynda Radıoelektronıka jəne baılanys əskerı-ınjenerlik ınstıtýtynyń bólimshelerimen 5,5 mln sharshy shaqyrymnan asa aýmaq óńdeldi.
ALMATY
