«Memleket basshysy óz sózinde elimizdi pandemııanyń sheńgelinen qutqarý – bárimizge ortaq mindet ekenin atap ótti. Bul rette, tótenshe jaǵdaı rejimin qamtamasyz etý jónindegi Memlekettik komıssııa vırýstyń taralýyn qatań baqylaýda ustap otyrǵan qalalarda karantın talaptaryn jeńildetip, jumysyn qaıta bastaıtyn birqatar uıymdardyń tizimin jarııalady» dedi B.Máken.
Ol aldymen qaladaǵy koronavırýstyq ahýal jóninde qysqasha aıtyp ótti.
Qalada koronavırýs ınfeksııasynyń 599 jaǵdaıy tirkeldi. 332 naýqas stasıonarlarda jatyr. 214 adam emdelip shyqty. Úıdegi karantınde 2576 adam bar. О́kinishke qaraı, indetten úsh adam qaıtys boldy. 9 sáýirden bastap jappaı ekspress-testileý júrgizile bastaldy, ony 15 528 adam tapsyrdy. Qazir ýaqytta 10 naýqastyń jaǵdaıy turaqty aýyr halde, onyń ishinde 5 naýqas jasandy tynys alý apparatyna qosylǵan. Qazirgi ýaqytta jalpy 29 680 laboratorııalyq zertteýler júrgizildi. 9 sáýirden beri 15 528 adam ekspress testileýden ótti» dedi ol.
