Qazaqstan • 28 Sáýir, 2020

Qarýly Kúshterdiń Bas shtabynda jańa bólimshe quryldy

41 retkórsetildi

Qorǵanys mınıstrligindegi kezekti apparat keńesi ótip, Qarýly Kúshterdiń Bas shtabynda radıasııalyq, hımııalyq, bıologııalyq qorǵaý jáne ekologııalyq qaýipsizdik áskerleri departamenti qurylaty málim boldy. Bul týraly Qorǵanys mınıstrliginiń baspasóz qyzmeti habarlady.

Qazaqstan Respýblıkasy Prezıdenti – Qarýly Kúshter Joǵarǵy Bas Qolbasshysy Qasym-Jomart Toqaevtyń tapsyrmasy boıynsha vırýstyń taralýyna qarsy kúreste dezınfeksııalaýǵa erekshe mán berilip jatyr. Bıologııalyq qorǵaý bólimsheleri elimizdiń barlyq óńirlerinde dezınfeksııa júrgizýde. 5 apta ishinde jalpy aýdany 36 mln sharshy metrden asatyn áleýmettik mańyzy bar obektiler, uzyndyǵy 2,5 myń km astam jol ýchaskeleri zararsyzdandyryldy.

Kezekti apparat keńesinde Qorǵanys mınıstri Nurlan Ermekbaev radıasııalyq, hımııalyq jáne bıologııalyq qorǵanys áskerlerin qaıta qurý jáne kúsheıtý qajet bolǵanyn atap ótti. Osy maqsatta Qarýly Kúshterdiń Bas shtabynda radıasııalyq, hımııalyq, bıologııalyq qorǵaý jáne ekologııalyq qaýipsizdik áskerleri departamenti quryldy. Buǵan deıin Qarýly Kúshterde RHB qorǵaý is-sharalaryn uıymdastyrý QR QK BSh ınjenerlik áskerler departamentiniń qurylymdyq bólimshesine – RHB qorǵaý jáne ekologııalyq qaýipsizdik áskerleri basqarmasyna júktelgen.

Jańa bólimshege qysqa merzimde qazirgi zamanǵy qaýip-qaterlerdi, áskerlerdiń múmkindikterin jáne álemniń jetekshi elderiniń qorǵanys-ónerkásip kesheniniń damý úrdisterin eskere otyryp, Qarýly Kúshterdi qorǵaý RHB júıesin damytý tujyrymdamasyn ázirleý mindeti qoıyldy.

 

Sońǵy jańalyqtar

Eriktiler balalardy quttyqtady

Aımaqtar • Keshe

Uqsas jańalyqtar