Aımaqtar • 28 Sáýir, 2020

Jarnamasy jer jarǵan jalǵan utys

1968 retkórsetildi

Kúni keshe Almaty polısııasy áshkerelegen aqylǵa syımastaı alaıaqtyq áreketti kórip jaǵamyzdy ustadyq. Ekonomıkalyq tergeý departamenti men polısııa qyzmetkerleri áleýmettik jelide utysy joq jalǵan lotereıa oıynyn uıymdastyrǵandardy  anyqtady. Olardyń arasynda esimi kópke málim estrada ánshisi de bar. Azamattyq etıketke saı, jeke tulǵanyń atyn atamaýdy jón kórdik.

Qazir áleýmettik jelilerdi paraqtaı qalsańyz «Nebári on myń teńgege kólik utyp al», «Bes myń teńgege bılet satyp alyp baspanaly bol» degen syńaıdaǵy jarnamalardan kóz súrinedi. Ásirese bul isti zań sheńberinde júzege asyrýǵa bolady degennen beri lotereıa oınatyp paıda tabýdy maqsat etkenderdiń jańbyrdan keıingi sańyraýqulaqtaı kóbeıgeni kópke málim. Olardyń kósh basynda esimi elge belgili óner adamdary men tanymal blogerler bar. Ýaqyt óte kele ońaı bızneske boı úıretken uıymdastyrýshylar, utys bıletterin elge belgili adamdardyń atynan jarııalap, jarnamasy úshin olarǵa qomaqty qarajat tóleıtin bolǵan.

Damyǵan memleketterde buǵan deıin-aq órisin keńge jaıǵanymen, bastapqyda bizdiń qoǵam úshin bul kórinis tańsyq bop kóringeni ras. Jarnamasy jer jarǵan mundaı utys oıyndaryna jurt údere qatysyp jatty. Armany taýsylmaıtyn qaı adam ońaı oljaǵa qaryq bolýdy qalamasyn. Qoǵamda jappaı beleń alǵan bul úrdiske qarsy ún qatqan birdi-ekili azamattar «baıdyń asyn qyzǵanǵan baıqus» bolyp shyǵa keldi. Qysqasy,  mıllıondaǵan aýdıtorııasy bar blogerler men juldyzdy ánshiler mundaı synı pikirlerge des bere qoıǵan joq.  Din qyzmetkerleri de munyń sharıǵat rýhyna teris áreket ekenin jarysa jazyp, aıtýdaı-aq aıtty. Biraq nátıje bolmady.

Joǵaryda tilge tıek etken, oqıǵaǵa oralaıyq. Quzyrly orynnyń baspasóz qyzmeti málimdegendeı, atalǵan top bıylǵy jyldyń 23 aqpany men 23 sáýiri aralyǵynda qundy utys syılyqtaryn - ıaǵnı 4 avtokólik (2 sedan jáne 2 jol talǵamaıtyn djıp), Almaty qalasynda bir bólmeli páter jáne basqa da turmystyq tehnıkany oınatpaq bolyp, jalǵan lotereıa oıynyn uıymdastyrǵan. Alaıda, joǵaryda kórsetilgen qundy syılyqtar bolmaǵan. Olar baǵyn synamaq bolǵan buqarany   sendirý úshin tórt birdeı  avtokólikti jeke tulǵalardan jalǵa alǵandyǵy belgili boldy. Eń soraqysy, áleýmettik jelilerde júrgizilgen jarnama arqyly quny 9 900 teńge turatyn 20 myń danadan astam oıyn bıleti satylǵan. Instagram paraqshadaǵy tikeleı jeli arqyly kóptiń kóz aldynda  órbigen oıynda uıymdastyrýshylar aldyn ala belgilengen utys bıletteri engizilipti.

«Almatyda 12 adam bir ǵımaratqa jınalyp utys oıynyn uıymdastyrǵan. Lotereıa oıynyn ótkizgender tótenshe jaǵdaı shekteýin buzǵany úshin  Ákimshilik kodekstiń 476-baby boıynsha jaýapkershilikke tartyldy. Jınalǵandar onlaın translıasııa júrgizgen. Qazirgi tańda, Qylmystyq kodekstiń 190-babynyń 2-bóligi 1-tarmaǵy boıynsha (alaıaqtyq, adamdar tobynyń aldyn ala sóz baılasýy) birqatar azamatqa qatysty sotqa deıingi tergeý amaldary júrgizilip jatyr», - dep habarlady Almaty qalalyq ekonomıkalyq tergeý departamentiniń baspasóz qyzmeti.   

«Ańqaý elge aramza molda» bolǵandar zań aldyna jaýap bere jatar. Atalǵan máselele qoǵam talqysyna tastalǵanda «qaıyrymdylyq maqsatty kózdedik» dep aqtalatyndar az emes. Degenmen, birjaqty pikir aıtýdan aýlaqpyz. Ádili Allaǵa málim. Alaıda  mundaı arzan iske áýestengender zańǵa da, arǵa da súıense deısiń.

Sońǵy jańalyqtar

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Uqsas jańalyqtar