Sport • 28 Sáýir, 2020

Oleg Maskaev Maık Taısonmen kúsh synasýy múmkin

13 retkórsetildi

Buǵan deıin biz kezinde WBC nusqasy boıynsha álem chempıony atanǵan 51 jastaǵy reseılik kásipqoı boksshy Oleg Maskaevtyń sharshy alańǵa qaıta oralatyny jaıynda jazǵan edik.

Osy jańalyqty estigen Reseı boks federasııasynyń bas hatshysy Ýmar Kremlev Maık Taısonmen jekpe-jek uıymdastyrý jaıynda usynys bildirgen kórinedi. AQSh-tyń dańqy jer jarǵan boksshysynyń da úlken sporttan qol úzip ketkenine biraz jyldyń júzi boldy. Sońǵy kezdesýin 2005 jyldyń 11 maýsymynda ırlandııalyq Kevın Makbraıtqa qarsy ótkizip, tehnıkalyq nokaýtpen utylǵan Taıson sodan keıin sharshy alańǵa shyqqan joq. Ústimizdegi jyldyń 30 maýsymynda Maıkl 54 jasqa tolady.

«Árıne, Maıkpen kúsh synasýǵa men ázirmin. Eki aıdaı daıyndalsam, babyma kelemin. Biraq men ony uryp qulatamyn dep aıta almaımyn. О́ıtkeni, bul – boks. Rıngte bári de bolýy múmkin. Básekeniń qalaı aıaqtalatyny tek bir Jaratýshyǵa ǵana aıan», - deıdi Maskaev.   

Oleg Maskaev – Qaraǵandy oblysyndaǵy Abaı qalasynda dúnıege keldi.

1993-2013 jyldar aralyǵynda kásipqoı rıngte judyryqtasty. Sol aralyqta 46 kezdesý ótkizgen aıtýly boksshy 39 ret jeńiske jetti. 28 qarsylasyn nokaýtqa jiberdi. Sońǵy ret 2013 jyldyń 4 qarashasynda brıtanııalyq Dennı Ýılıamsty upaı sanymen uttty.  

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar