Aımaqtar • 28 Sáýir, 2020

Aqmolalyq túlekterge onlaın rejımindegi kásibı úgit-nasıhat júrgizilýde

5 retkórsetildi

Mándi máseleniń biri mamandyq tańdaý. Joǵary oqý oryndary men kolledjder jyl boıy kásibı úgit-nasıhat jumystaryn júrgizedi. Oqý jylynyń sońynda bul úrdis kúsheıe túsetin. Al, endi karantın kezinde oqýshylarǵa kásibı baǵdar berý jumysy qalaı júzege asyrylýda?  

Mektep túlekterin kásibı baǵdarlaý jumysy onlaın rejıminde júrgizilýde. Sonymen qatar, árbir joǵary oqý orny men kolledjder arnaıy saıttar ashyp, áleýmettik jelilerde úgit-nasıhattaryn údete túsken. Oblystyq bilim basqarmasynyń saıtynan da mektep bitirýshiler ózderine qajet aqparatty ala alady.

Oblystyq bilim basqarmasynyń bastamasymen, sondaı-aq, «Meniń mamandyǵym. Aqmola» atty mobıldi qosymshasy iske qosylǵan. Onda óńirdegi barlyq joǵary oqý oryndary men kolledjderdiń tizimi, mamandyqtardyń túrleri kórsetilgen. Tipti, óziniń qaı mamandyqqa beıimdigin anyqtaý maqsatynda test te tapsyra alady.

Aqmola óńirinde búginde 33 kolledj bar. Oqý oryndary 94 mamandyq boıynsha bilim beredi. Sonymen qatar oblys aýmaǵynda 5 joǵary oqý orny bar. Iаǵnı, mektep bitirýshi túlekterine alysqa barmaı-aq, tańdaý jasaýlaryna múmkindik mol.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar