Aımaqtar • 28 Sáýir, 2020

Aqmolada jol qurylysy qarqyndy júrgizilýde

8 retkórsetildi

Bıyl oblystaǵy jergilikti mańyzy bar avtomobıl joldaryna 24 mıllıard teńge qarajat bólingen. Bıýdjet esebinen 440 shaqyrym jol jóndelmek.

Karantın merzimindegi kólik aǵynynyń azaıýyn tıimdi paıdalanǵan Kókshetaý qalasynyń ákimdigi jol tósemin almastyrýǵa aıryqsha kóńil bólip otyr. Qazirgi tańda oblys ortalyǵyndaǵy 40-tan astam kóshege asfalt tóselip, jol jóndeý jumystary qaýyrt atqarylýda. Ázirge Sh.Ýálıhanov, M.Ǵabdýllın, M.Áýezov, E.Áýelbekov tárizdi negizgi kóshelerdi qamtyǵan. Qazirgi tańda N.Nazarbaev dańǵyly, Sh.Ýálıhanov kósheleriniń Zerendi baǵytynda jol tósemi tolyq jańǵyrtyldy. Qaladaǵy kúre joldarda negizinen eski asfaltty almastyrý qolǵa alynǵan. Sondaı-aq, buǵan deıin múldem jol tósemi bolmaǵan kósheler de qamtylyp otyr.

Jol betinen syrylyp alynǵan eski asfalt qalanyń jóndeý kórmegen kóshelerine qaıta tóselýde. Qaltarysta qalyp, laı men sazdan arylmaǵan 27 kóshege alǵash ret jol salynyp jatyr. Al, kúre joldardyń jabyny tolyq jańartylady. Bul jol jóndeýde frezerlik tehnıka utymdy qoldaný arqyly múmkin bolyp otyr.

–Bul tehnıka «Frıza vırgent V-200» dep atalady. Qýattylyǵy 600 attyń kúshine teń. Qazir asfalt jabynyn sylyp alýdamyz. Tańerteńnen beri 4 jolaq júrip óttim. Kún jylyda bul tehnıkanyń qyzmeti ońaı júredi. Aýa raıynyń qolaıly kezin paıdalanyp qalýǵa tyrysyp jatyrmyz,–deıdi  mashınıst Sergeı Mıronov.  

Jol jóndeý jumystary oblys ortalyǵynyń shetkeri aımaqtaryn da qamtıdy.   Bıyl Sh.Ýálıhanov, M.Áýezov kóshelerinen keıin Stansıonnyı poselkesi, Kóktem, Birlik jáne Beıbitshilik shaǵyn aýdandarynda jóndeý jumystary júrgiziledi dep kútilýde.

Sońǵy jańalyqtar

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar