Aımaqtar • 28 Sáýir, 2020

Jambyl oblysynda koronavırýstyń taǵy eki jańa jaǵdaıy anyqtaldy

172 retkórsetildi

Búgin Jambyl oblysynda koronavırýs indetin juqtyrýdyń eki jańa jaǵdaıy anyqtalyp, óńirde naýqas juqtyrǵandar sany 108-ge jetti.

Naýqastardyń biri 73 jastaǵy Taraz qalasynyń turǵyny. Ol buǵan deıin dert juqtyrǵan naýqaspen baılanysta bolǵandyǵy úshin stasıonarlyq karantınge jatqyzylǵan. Al, ekinshi naýqas Merki aýdanynyń turǵyny bolyp shyqty. 22 sáýir kúni Reseı Federasııasynan oralǵan ol Reseıde týystarymen birge bolǵan. Ol 27 sáýir kúni entigý, murynnan sý aǵý sekildi shaǵymmen jedel járdem shaqyrǵan. Koronavırýs ınfeksııasyna kúdikpen provızorlyq stasıonarǵa jatqyzylyp, alynǵan qan taldaýlary oń nátıje kórsetken. Búginde naýqastar ınfeksııalyq stasıonarǵa aýystyrylǵan. Olar  bekitilgen algorıtmge sáıkes qajetti em sharalaryn alýda.

Jalpy alǵanda, 28 sáýir kúngi jaǵdaı boıynsha Jambyl oblysynda koronavırýstyq ınfeksııanyń 108 jaǵdaıy tirkelip otyr. Onyń ishinde Taraz qalasynda 52, Baızaq aýdanynda 4, Jambyl aýdanynda 4, Kordaı aýdanynda 34, Merki aýdanynda 3, Moıynqum jáne Shý aýdandarynda bir-birden anyqtalǵan. Al, «Delı-Taraz» reısinde 6 jaǵdaı anyqtalsa, 3 jaǵdaı Atyraý oblysyndaǵy Teńiz vahtalyq kentinen oralǵan jumysshylardyń arasynan anyqatalǵan. Qazirgi kezde indet juqtyrǵandardyń 43-i emdelip, dárigerlerdiń baqylaýyndaǵy úı karantınine shyǵaryldy.

 

Jambyl oblysy

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar