Qoǵam • 28 Sáýir, 2020

Parasatty urpaq-memleket damýynyń kepili

66 retkórsetildi

Kez-kelgen qoǵam men melekettiń ekonomıkalyq, saıası, áleýmettik damýyn keri tartatyn qubylys ol- sybaılas jemqorlyq. Sybaılas jemqorlyq - memlekettiń básekege qabiletiligin tómendetip, demokratııalyq damýdy tejeıdi. Azamattardyń qoǵamǵa degen senimine, zań men ádildikke degen senimine, bılikke degen senimine keri áser etetini anyq.

Sondyqtan da sybaılas jemqorlyqpen kúres memleketimizdiń basty strategııalyq baǵyty. Bul baǵytty júzege asyrý boıynsha elimizde quqyqtyq reformalar jasalyp, QR Sybaılas jemqorlyqqa qarsy is-qımyl agenttigi quryldy, «Nur Otan» partııasynyń 2015-2025 jj arnalǵan sybaılas jemqorlyqqa qarsy strategııasy júzege asýda. Elbasy Nursultan Nazarbaev «Bolashaqqa baǵdar:rýhanı jańǵyrý» maqalasynda: «Asa mańyzdy mindet-sybaılas jemqorlyqqa qarsy jańa strategııany qalyptastyrý jáne iske asyrýdy jalǵastyrý» dep atap kórsetti. Osy oraıda 2018-2020 jyldarǵa arnalǵan «Sanaly urpaq» jobasy qolǵa alyndy. Jobanyń maqsaty- sybaılas jemqorlyqqa tózbeıtin, básekege qabiletti, ultjandy jastardy tárbıeleý. Sebebi árbir memlekette jastar memleketti damytýshy úlken qozǵaýshy kúsh.

Memleketti kórkeıtip, ultty órkendetýshi sanaly da salaýatty, ultjandy, rýhy bıik parasatty urpaqty tárbıeleý búgingi qoǵamnyń basty mindeti. О́ıtkeni memlekettik damý urpaqtar sabaqtastyǵy arqyly júzege asyrylady. Tuńǵysh Prezıdent Nursultan Ábishuly aıtqandaı «Búgingi óskeleń urpaq naǵyz bilimdi, jan-jaqty damyǵan, birneshe tildi meńgergen, naǵyz óz elin súıetin, ultjandy azamat bolýy kerek».

Osy oraıda ólkemizdegi eń úlken, 80-jylǵa jýyq tarıhy bar, búgingi tańda 25000 asa jastardyń basyn qurap otyrǵan qara shańyraq- M.Áýezov atyndaǵy Ońtústik Qazaqstan memlekettik ýnıversıtetinde de «Sanaly urpaq» jobasy boıynsha aýqymdy jumystar júrgizilýde.

Oqý ornyn tártip pen mádenıettiń, jaýapkershilik pen jasampazdyqtyń túıisken alańyna aınaldyrý, sybaılas jemqorlyqqa qolaıly sebepter men jaǵdaılardy ýaqytyly joıýǵa baǵyttalǵan is-sharalar ótkizý, joǵary moraldyq qundylyqtarǵa ıe, jaýapty, yntaly jáne áleýmettik-quzyretti azamat pen óz eliniń patrıotyn qalyptastyrý jáne damytý úshin jaǵdaı jasaý, sybaılas jemqorlyqqa qarsy is-qımyl salasyndaǵy ýákiletti orandarmen yntymaqtastyqty qamtamasyz etý jáne áriptestik qarym-qatynas ornatý maqsatynda «Parasat» basqarmasy quryldy.

Basqarmanyń qyzmeti «Sanaly urpaq» jobasyna sáıkes sybaılas jemqorlyqqa qarsy mádenıetti qalyptastyrý, bilim berýdiń ashyqtyǵy,akademııalyq adaldyq, bilim berý salasyndaǵy sybaılas jemqorlyqqa qarsy is-sharalar uıymdastyrý bolyp tabylady. Osy oraıda ýnıversıtette Sybaılas jemqorlyqqa qarsy jumys toby quryldy, Ádep jónindegi keńes,«Sybaılas jemqorlyq pen quqybuzýshylyqtyń aldyn alý Keńesi» quryldy.

Basqarma «Sanaly urpaq» respýblıkalyq jobalyq Keńsesiniń, «Shymkent-Adaldyq alańy» jáne Qazaqstan Respýblıkasy Sybaılas jemqorlyqqa qarsy is-qımyl agenttiginiń Shymkent qalasy boıynsha departamentimen, Shymkent qalasynyń ákimdigimen, jastar uıymdarynyń ókilderimen, BAQ jáne basqa da ýákiletti organdarmen birlesip jumystar atqarýda. Halyqaralyq standart talaptaryna sáıkes sybaılas jemqorlyqqa qarsy menedjment júıesin ázirleý jáne engizýdi iske asyrý jumystarymen qatar, ólkemizdegi basqa da joǵary oqý oryndary, kolledjderge ádistemelik kómekter kórsetýde.

Qazirgi áleýmettik ahýal-ǵalamdyq pandemııa kezinde de M.Áýezov atyndaǵy OQMÝda parasattylyqty qalyptastyrý boıynsha jumystar júıeli túrde júrgizilýde. Qashyqtyqtan bilim alýshylardyń aǵymdyq baqylaý jumystarynyń, aralyq baqylaý jumystarynyń jarııa jáne ádiletti júrgizilýin uıymdastyrýda.  Emtıhandyonlaın tapsyrý kezindegi ashyqtyqty baqylaý maqsatynda 50 belsendi stýdentterden qurylǵan komıssııa jumysyn úılestirýde.  

Oqý ornynda parasattylyqty qalyptastyrý boıynsha atqarylǵan jumystar, alǵa qoıǵan maqsattar jáne tájirıbelerimen bólisý úshin QR Sybaılas jemqorlyqqa qarsy is-qımyl Agenttiginiń Shymkent qalalyq departamentimen birge vebınarǵa bastamashy bolýda.

Jalpy alǵanda, damyǵan 30 memleketke ult bolyp uıysyp jetý árbirimizdiń azamattyq boryshymyz. Qazaqstan Respýblıkasy Prezıdenti Q.Toqaev «Biz jemqorlyqtyń túp-tamyry joıylǵansha kúresemiz. Memleket pen azamattardyń kúshin biriktiremiz. Jemqorlyqtyń kez kelgen túrine múldem tózbeýshilik tanytýmańyzdy» degendeı, sybaılastyqtan taza, ádiletti ári parasatty urpaqty tárbıeleý búgingi aǵa býynnyń mindeti.

Ál-Farabı «Baqyttyń máni-parasattylyqta, árkimniń óz aldyna ıgilikti maqsat qoıa bilýinde, ol maqsatpen kezdeısoq raqat úshin emes, adamnyń óz minez-qulqyn, is-áreketin erikti túrde ózgertip, izgilikke baǵyttap otyrýynda» dep parasattylyq qasıetiniń maǵynasyn ashyp aıtqan. Parasattylyq-barlyq adamzattyń boıynda mindetti qoldanylatyn qasıetterdiń biri bolýy kerek.

 


Sybaılas jemqorlyqqa qarsy is-qımyl Agenttiginiń Shymkent qalasy bo
ıynsha departamentiniń janyndaǵy Aqparattyq – aǵartýshylyq Shtabynyń jetekshisi
, M.Áýezov atyndaǵy OQMÝ-niń «Áleýmettik jáne Tárbıe isi jónindegi» prorektory Majınbekov S.A.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar